Charter Document - 04740019
| Charter Number: | 04740019 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1042 - 1044 |
| Date type: | Assigned |
| Resource Link(s): |
eSawyer (S 1119) |
Charter:
Edward king gret Alfword biscop et Easgar stallere et ealle mine burgþeingnes on Lundone freondlice Ic kiþe eow þat icc anne et icc wille þat Sancte Peter et þa gebroþera on Westminstre habben þat land et þane wearf þarto þe Ulf portegerefa et his wif Kinegið for here sawle alesednisse into þare halgan stowe gæfon swa full et swa forð swa hi best hit ahton And icc ann heom eft ealswa þæt hy habben þer to fulne freodom on eallun þingun þe þer upp aspringað be lande et be strande For þan icc nelle nateswon geþafian þat anig mann atbrede oððe geutige heora geofa et heore almesse oþþe þat þer anig mann aningne onstinge habbe on ænigun þingun oððe on ænigun timan butan se abbod et þa gebroðera to þæs minstres neoda God eow ealle gehealde et gife eow ece gesælþe Amen