Charter Document - 04710012
| Charter Number: | 04710012 |
|---|---|
| Cartulary Title: | Charters of Thorney |
| Charter Language: | English |
| Charter Origin: | Royal |
| Charter Type(s): | Decree |
| Date: | 1052 - 1065 |
| Date type: | Assigned |
| Resource Link(s): |
eSawyer (S 1481a) |
Charter:
Eadward King gret wel Wulfwi biscop and Tosti eorl and Norðman shirrefen and al his witen and al his holden in Hamtonschire haded and leawed frendlike and ik kiðhen dæt Ællwin abbot of Rameseie and Leofric abbot of Burgh habben me gebid of ðæt wharfe and of ðæt foreward ðæt he habben gespekin and gedon hem bitwenen ðæt ik wille ðæt ghe understanden ðæt Ælfwyne abbot of Rameseie on ðis wise haned gewharued at Leofric abbot of Burgh ix gherde landes at Ludingtone of Seint Petres sokne lande Burgh Huntinges hide by name and Goderiches twa gherde ðe Denske and Brandes gherde and Leofgares gherde and Ælfwynes gherde ðe blake sker and sakles to ful wharf wið everik man ar dagh and after dagh and baued ghiuen him ðes fore ðæt land at Marham al ðæt seynt Benet ðer aght sker and sakles wið everik man to ful wharf and to eken ðis ðe abbot and ðe broðern of Rameseie shulne ghiuen ilke gher foure þousend eol in Lenton to carite to ðe abbot and ðe broðren into Burg to ðaire forwart ðat ðe abbot and ðe broðren of Rameseye shulen habben of Seint Petres landare werc stan at Bernak and wal stan at Burgh als mikel suua hem byhoued to ful forward sker and sakles wið tol and wið al þing bi watre and bi lande into Rameseye auere mare and he habben me gekið ðæt ðis forward was maked on Leofsis abbotes witnesse of Ely and Wlfgetes abbotes of Cruland and of ðes men ðat mid hem weren Nu kiðen ik wou ðat Ælfwyn abbot haued swa wið me spoken and of his me ghiuen ðat ik habbe ðis ilk forward ighetud and ik wil þat it stande alswa he hit gespeken habbet God to loue and Sainte Marie and Saint Benedictus auere mare wið borene and wið unborene And ik hate and beode ðat no man ne worðe swa doerste ne suua dirsty ðat ðis ilk wharf and ðis ilk forward breke haded ne leawed and ik forbeode bi fulle wite ðat no man ne wrð swa dirsti dat Seint Beneites meine ne her þing nawher ne deruen ac Godes grið and min habben heo and here þing bi watre and by land And ik hate and beode mid ðis ilk writ ðat ðat ilk merk and mere after Cnoutes delfe kynges stande alswa Ælfwine abbot of Rameseye it bitolde wið Siward abbot Đorneye al bi Gangestode bi ðe est half ðe delf and ðe west half bi Hinde lake swa onan to Wendlesmere and half Raðeresholt into Rameseye on Leofsies abbotes wittenesse of Ely and on Leofrices abbot of Burgh and Wlgetes abbot of Cruland and ðaire mon ðet hem mid weren And if ani man ðis ilk forward mid ani þing breke and awansige so be heo sundred fram heuenerikes merðen buten he hit ibete ar he heðen wende Amen Đis writ was maked at Westminstre on Seint Petres masdai on Stigandes wittenesse Ercebiscop and Eadwines abbot and Haroldes eorles and Esgares stalleres and Hugelines bourðeines