Charter Document - 04710011
| Charter Number: | 04710011 |
|---|---|
| Cartulary Title: | Charters of Thorney |
| Charter Language: | English |
| Charter Origin: | Religious |
| Charter Type(s): | Will |
| Date: | 1017 - 1035 |
| Date type: | Assigned |
| Resource Link(s): |
Cambridge University Library - MS Add 3020 (f18r) eSawyer (S 1523) |
Charter:
Mantat ancer godes wræcca gretet Cnut king and Emma þe læfdie swiþe bliþelike mid godes blisse and ic cyðe þat ic habbe ure almesse criste betaht and hise allen halgan ure saule to froure and to blisse þær it lengest wunian sculen þæt is ærest þæt land at Twywelle into Þornige þær ure ban resteð and þat land at Cunintun prestes and diaknes þa þe hit at me earnodan on mine liue and hi habbeð god behaten and me on hand eseald þat hi sculen elke ear don for us twa hundred messen and twa hundred sauters and þerto eaken fele holye beden nu bidde ic inc for godes luue and for ure wreccan bene þat þis non man ne awende þat wat god þat inc ne was non bescoran man nyccere þænne and þat inc sceal ben cuð on þan towarden liue Gehealde inc here on liue heofan engle kinge and ge lede inc on his lihte mid him þer yt wiþuten sorhge euere wunian amen