Charter Document - 04650009
| Charter Number: | 04650009 |
|---|---|
| Cartulary Title: | Charters of Ramsey |
| Charter Language: | English |
| Charter Origin: | Royal |
| Charter Type(s): | Writ |
| Date: | 1057 - 1066 |
| Date type: | Assigned |
| Resource Link(s): |
eSawyer (S 1109) |
Charter:
Eadward cyng gret Stigand ercebiscop et ægelmær biscop et Gyrð eorl et Toli scirreue et ealle his þeines inne Norðfolce et inne Suðfolce et ealle his oðre witen ofer eall ængleland hadede et leawede freondlice et ic cyðe eow þæt ic habbe gegeofen Criste et Sancte Marie et Sancte Benedicite et ælfwine abbot in to Ramesege saca et socna tol et team et infangenþeof fihtwite et ferdwite forestall et hamsocne griðbryce et scipbryce et þa sæupwarp on eallan þingen æt Bramcæstre et æt Ringstyde swa wel et swa freolice swa ic hit me seolf betst habbe bi ða særime ahwær in Engelande et ealle þa gerihte þa ic me seolf þær ahte et ic wylle þæt seo socne wiðinnen Bicchamdic ligce in to Ramesege to Sancte Benedihte on eallen þingen swa full et swa forð swa ic heo me seolf ahte et ealle þa gerihte þa æni king mæi ahen et ealle þa men þa beon motwurði ferdwurði et faldwurði in þæt oðer healfe hundred swa hwilc man swa þa men ahe Sancte Marie et Sanctus Benedictus et se abbot et þa gebroðra in to Ramesege habben þa socne on eallen þingen ofer heom et þæt market æt Dunham bi waetere et bi lande mid inlade et mid utlade et mid eallen þan gerihte þe þær to hereð swa wel et swa freolice swa ic hit me seolf betst ahte et ic nelle geþafien þæt æniman þis gelytlige mid ænige þinge et in ælcer scire þær Sanctus Benedictus hafð land inne his saca et his socne tol et team et infangenþeof wiðinne burhe et wiðuten et on ælce styde be lande et be strande be wude et be felde swa hwylc man swa þa socne ahe Sanctus Benedictus habbe his freodom on eallen þingen swa wel et swa freolice swa ic hit me seolf betst ahe ahwær in Engelande et ealle þa gyltes þa belimpeð to mine kinehelme inne Iol et inne Easterne et inne þa hali wuca æt gangdagas on ealle þingan al swa ic heo me seolf ahe et tolfreo ofer ealle Engleland wiðinne burhe et wiðutan æt gæres cepinge et on æfrice styde be wætere et be lande et ic forbeode Godes forbode et min þæt nan man þis geofe ne lytlige ne awende et gif æni man hit awansi mid æfrænige þinge of þan þe ic habbe her geunnen on þeosen gewrite si he gesyndred fram Criste et fram eallen his halgan Amen þis writ wæs gemaced æt Windlesoren on feorðe Easterdæi on Eadgiðe gewitnysse þære cwene et Godwines eorles et Haroldes eorles