Charter Document - 04500032
| Charter Number: | 04500032 |
|---|---|
| Cartulary Title: | Charters of Exeter |
| Charter Language: | Latin, English |
| Charter Origin: | Religious |
| Charter Type(s): | Mortgage |
| Date: | 1016 - 1020 |
| Date type: | Assigned |
| Resource Link(s): |
Anglo Saxon Charters (S 1387) British Library - Cotton Roll II 11 (f1r) eSawyer (S 1387) |
Charter:
+ In nomine domini nostri Iesu Christi Ic Eadnoð bisceop cyðe on þisson gewriton þæt ic onborgede xxx mancsa goldes be leadgewihte to minre landhreddinge æt beorhnoðe et ic gesealde hym ane gyrde landes to underwedde be Cridian to þam forewerdon þæt he hæbbe his dæg et ofer his dæg becweðe þone sceat þam þe him leofost beo þe on þam lande stent Ðis sind þa landgemæro þære gyrde be Cridian Ærest on sceocabroces ford þonne east on herpað on þone lytlan garan easteweardne suð on þa deadan lace on Cridian up ongean stream on þone ænlypan æcer þonne east on herpað eft on sceocabroces ford Ðisses ys to gewitnisse Cnut cyning et Wulstan arcebisceop et Lifing arcebisceop et Birhtwold bisceop et Eadnoð bisceop et Burewold bisceop et Æðelwine bisceop et Birihtwine bisceop et Æðelwerd ealdorman et Aðelwold abbud et eall se hired on Exancestre et se hired on Cridiantune et þis cydde se bisceop þam burhwiton on Exanceastre et to Tottanesse et to Hlidaforda et to Beardastapole Pax sit hoc seruantibus et infernus sit hoc frangentibus