Charter Document - 04460007
| Charter Number: | 04460007 |
|---|---|
| Cartulary Title: | Charters of Coventry |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1043 |
| Date type: | Assigned |
| Resource Link(s): |
Anglo Saxon Charters (S 1226) eSawyer (S 1226) |
Charter:
Ego Leofricus comes Cestrie concilio et licentia regis Eadwardi et Alexandri pape qui mihi literas suas infra scriptas misit cum sigillo et testimonio aliorum religiosorum uirorum tam laicorum quam clericorum ecclesiam Couentrie dedicari feci in honorem dei et sancte Marie genitricis eius et sancti Petri apostoli et sancte Osburge uirginis et omnium sanctorum Has igitur uiginti quatuor uillas una cum medietate uille Couentrie in qua fundata est ipsa ecclesia eidem ecclesie attribui ad seruitium dei et ad uictum et uestitum abbatis et monachorum in eodem loco deo seruientium uidelicet Honington Newenham Chaddeleshunt Ichenton Olufton Sutham Grenesburgh Burtingbury Merston iuxta Auonam Ilerdwike Wasperton Chesterton Sutham Ruyton dimidium Sow Merston in Glocestrie schira Salewarpe in Wigornensi prouincia Eaton iuxta aquam que dicitur Dee in Cestrie prouincia Kyldesby et Wynwyke in Hamptonensi prouincia Burbagh Barwell Scraptofte et Pakyngton in Leicestrensi prouincia Has autem uillas cum medietate predicte uille trado huic monasterio cum saca et socna et teloneo et themo cum libertate et omnibus consuetudinibus ubique sicut eas a rege Eadwardo melius unquam tenui Huius ergo rei testes extiterunt Inprimis rex Eadwardus Eadsi archiepiscopus Cantuariensis et Aelredus episcopus Wigornensis et Wulfyus episcopus Lichfeldensis Manni abbas Eueshamensis et Godwinus abbas Winchelcombensis Aelfricus abbas Pershouerensis Godwinus comes Araldus comes Siwardus comes Ordgarus Deuonensis Aelfwardus de Kinfarton Wagene de Wotton et multi alii primates in Anglia quorum hic nomina notare fastidiosum est Cum his ergo omnibus rex Eadwardus et ego libertatem huic monasterio dedimus ita ut abbas eiusdem loci soli regi Anglie sit subiectus necnon et maledictionem dei et omnium sanctorum in hereditatem illis statuimus quicunque hoc monasterium libertate sua et donatione nostra priuauerint aut in aliud ius et ditionem contra legem dei transmutauerint quo statuto omnes una uoce diximus Amen Amen