Charter Document - 04410047
| Charter Number: | 04410047 |
|---|---|
| Cartulary Title: | Charters of Bury St. Edmunds |
| Charter Language: | English |
| Charter Origin: | Religious |
| Charter Type(s): | Will |
| Date: | 1000 - 1038 |
| Date type: | Assigned |
| Resource Link(s): |
eSawyer (S 1527) |
Charter:
[H]er Switeleþ ihu Þurketel an his ahte after his day þat is erst for his soule Palegraue into seynt Eadmund and Witingham half and half þe bisscop and alle mine men fre and ilk habbe his toft and his metecu et his metecorn And ic an at Reydoneberh þat midleste forlong fre into þe kirke and Scortland et þe prestes toft al into þe kirke fre And ic an Lefwen min wif Simplingham al þat ceaplond et þat oþer þat ic mid hire nam and half Reydone mid mete and mid Erue to þat forwarde þat we spreken habben et mine men fre And ic an Wingefeld mine broþeres sunes Vlfketel et Þurfketel And ic an Lefquene fiftene acres at Palegraue et an toft and Wlwine habbe þat lond þe he mines hafde et Alfwold habbe mid ton þe he her hauede XVI acres mid tofte mid alle And Osebern habbe þat lond besiden Thrandestone þat ic þer hauede And ic an Lefric mine neue and Godwine mine mey and Wlwine et his brother XX acres at Reydone and þe mor þe ic et þo munekes soken ymbe min del fremannen to note so he er deden er daye et after daye Se þe þis awende Wende him god fro heuene riche into helle Witerbrogen bute he it þe deppere bete er his ending day Þise write sinden þre on is at seynt Eadmundesbiri oþer haueð þe bisscop þridde haueð Þurketel himself