Charter Document - 04410026
| Charter Number: | 04410026 |
|---|---|
| Cartulary Title: | Charters of Bury St. Edmunds |
| Charter Language: | English |
| Charter Origin: | Royal |
| Charter Type(s): | Writ |
| Date: | 1065 - 1066 |
| Date type: | Assigned |
| Resource Link(s): |
Anglo Saxon Charters (S 1084) British Library - Cotton MS Augustus II 49 (f1r) eSawyer (S 1084) |
Charter:
Eadweard cyningc gret ægelmær bisceop et Gyrð eorl et Tolig et ealle mine þegenas on Suðfollce freondlice et ic cyðe eow þæt ic wylle þæt þa healf nygoðe hundreda socne ligce innto þam halgan mynstre innto Sancte Eadmundes byrig mines mæges swa full et swa forð swa ælfric Wihtgares sunu hig minre meder to handa bewiste et heo syððan me sylfan on handa stod on eallan þingan et ic hig þider inn geuðe mid ælc þæra þinga þæs þe þær mid rihte to gebyrað mid fyrdwite et fyhtwite et æbære þeof et griðbryce et foresteall et hamsocne et ic bidde eow eallan þæt ge beon Baldewine abbote on fultume þæt he mote beon ælc þæra gerihta wurðe þæs þe he ah þær of rihtlice to habbene for minan lufan et ic ne eom gecnawe þæt ic ænigean menn geafe þa socne þanon ut þe ic hig ær þider inn geofrode et gyf ænig mann sy þæt wylle ænig þæra socna him to handa drægen et segce þæt ic hig ær him geunnan sceolde ic wylle þæt he cume beforan me mid his sweotelunge et do me gecnawe hwær ic hig him ær geuðe þæt nan oþer ne sy