Charter Document - 04410009
| Charter Number: | 04410009 |
|---|---|
| Cartulary Title: | Charters of Bury St. Edmunds |
| Charter Language: | English |
| Charter Origin: | Royal |
| Charter Type(s): | Confirmation |
| Date: | 1042 - 1066 |
| Date type: | Assigned |
| Resource Link(s): |
eSawyer (S 1046) |
Charter:
On almiðin drichtines name Ic Eadward king kyðe alle manne ðe red ðat ic mid alle mine redgiuen red habbe for mine soule þerfe and for alle mine þedchipes sindfulnesse ðat is ðat ic an eke fredames ðan halegen kinge seint Eadmunde so forð so he fermest hauede into ðere stowe ðe he onrestet An so wille him ðat se fredom stonde on his welde ðat so fele siðe so men gildeð hire gilde to heregilde oðer to schipgeld gilde ðe tunschipe so oðere men don to ðe abbotes nede and ðere moneke ðe ðer binine schulen for us seruen and ðe abboteriche ðat Cnut king ðer ches and siðen Hardecnut king mine broðer also it staðelfaste and ic suðen eac swilke mid ðere schirebiscopes rede and mid mine wedde and alle mine biscope and alle mine wytene it fultremede ðat ic nefre ne schulle ani man wenden to oðere hodes manne buten he wolde ben aschired from Godes manne and alle hise halegen And ic an ðan halegen kinge ðat land at Mildenhale mid mete and mid manne and mid sokne so it me on hande stod and ðe halfnigende hundredes sokne into ðinghowe And ic han hem al here tune sokene of hale here londe ðe he nu habbeð oðer giet bigiten schullen on Godes este and on mines an alle folkes God how healde