Charter Document - 04410007
| Charter Number: | 04410007 |
|---|---|
| Cartulary Title: | Charters of Bury St. Edmunds |
| Charter Language: | English |
| Charter Origin: | Royal |
| Charter Type(s): | Confirmation |
| Date: | 1042 - 1065 |
| Date type: | Assigned |
| Resource Link(s): |
eSawyer (S 1045) |
Charter:
Ic Eadward king kiðe on ðise write alle lefful manne ðat ic red habbe wið mine erchebiscopes and biscopes and earles and wið alle mine þeynes þat is ðat ic wille ðat seynt Eadmundes minster mine meyes and se tun ðe ðat minster inne is be ekelike on ðat ilke fredome ðat Cnut king and Hardcnut kyng mine broðer ðiderin uðen ne neuer se stede ne wrðe loged mid oðere hodes manne ðanne mid moneke ne non ðere biscop ðe euermor schal ben on Norðfolc oðer on Suffolc ne habbe neuere non onsting on ðat minstere ne so wyd so ða tunes merkes goð ðe ðat minster inne stond And ðo monekes chesen hem alder of hem seluen so so riht is And ic wille ðat se socne and se sake ðat ic hem unnen habbe stonde unawend euer so wer so he nu habben lond oðer men oðer iget bigeten schalen þurg Godes fultume and godere manne Nu bid ic alle Godes frend eiðer ðe ðat nu libben ore ðe ðat after hus schulen comen ðat he for Godes eye neuere ne ben on stede ne on stalle ðer euere undon wrðe ðat ure fordgengles uðen and ðat we unnen habben into ðat heli minster And igif ðan euere ani man so drsti wrðe þurgh ðese defles lore ðat he ðis wiðquenchen wille and aweygen si he amansumod and on helle susle bischemt bute he er his liues ende ðe deppere bete