Charter Document - 04350001
| Charter Number: | 04350001 |
|---|---|
| Cartulary Title: | St. Paul, Benediktiner 1099 - 1300 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1192 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue Trinitatis Odalricus diuina fauente gratia Dux Karinthie omnibus Christi fidelibus in perpetuum Quoniam ex uicio humane corruptionis magis sollicitari solet humana conditio pro adipiscendo quod intendimus vel equitando quod formidamus cauta circumspectione scripti malignantium errorem et nostre serenitatis feruorem premuniri curauimus Unde presentis stili affertione filii qui nascentur et exsurgent narrent filiis suis qualiter dominus Uolbertus de lienberg ministerialis ducis styriensis annitente studio et bona uoluntate domini sui predium quod situm est in Mura liberali manu pro remedio animarum ac perpetua sua suorumque parentum memoria deo et sancto Paulo et fratribus ibidem deo militantibus obtulit et tradidit post uite sue seruiendum Reuoluto deinde aliquanto tempore in quantum suo usui quoad uiuet attinuit cuidam Frisacensium urbano pro XXVII marcis idem predium exposuit Quod tamen ne sue alienaretur iurisdictioni predictos fratres prenominato argento petiit soluendum et impetrauit hoc pacto ut ex tunc ac deinceps usibus eorum cedere debuisset Verum quia uxor eius Judita pro arra coniugali sue proprietati addixit iam sepe dicti fratres vt aliquando huiusmodi cause finem imponerent X marcas uxori sue sibi quoque iam pro resignanda eiusdem predii aduocatia quam tamen iniuste sibi usurpauerat exsoluerunt pro eo quod nostra presentia et protectione tuendum idem predium utique cum liberis suis per manum domini Harthuwici de hardech super reliquias sanctorum in Uriberg delatas sicut ipsa petierat cum ad prefatum monasterium sancti Pauli inualitudine corporis uenire prepediretur delegauerat amodo et usque in sempiternum quieta et libera manu predicto monasterio possidendum Ut autem huius acti nulla interiectionis vel argumentationis sollertia possit inquietari nostri sigilli et subscriptorum testium astipulatione tutare curauimus Sunt autem hii Bernhardus germanus frater meus Pabo de Griwich Palduwinus de Ostirwic Hermannus de Gozzenlendorf Emzo cum fratre suo Berengero Willehelmus de Treuen Sigehardus de Nuzperg Arnoldus de Ramminstaine Ortolfus de struniberg Oudalricus et filius eius Heinricus Hadoldus et Chuno filius eius de vrieberg Heinricus de santo Uito Wernherus de boniis Otto de lebnah Wolframmus de Treulich wigant de bach Chunradus topilstaine Chunradus de wircheran Merboto de pulste Gundram Ovdalricus Urowin Wichboto de liebenberg Acta sunt hec Anno dominice Incarnationis MC nonagesimo II Indictione X Imperante gloriosissimo Romanorum imperatore et semper angusto Heinrico Presidente quoque salzburgensis ecclesie archiepiscopo Adelberto Piligrimo eiusdem monasterii sancti Pauli in lauent abbate feliciter Amen