Charter Document - 04340049

In nomine sancte et individue trinitatis Ego Perhtoldus prepositus maioris ecclesie in Salzb[urc] et Hermannus decanus cum universo capitulo sancti Roberti omnibus tam futuris quam presentibus veritatem subscripte rei cognoscere volentibus salutem in perpetuum Quoniam non solum evangelica verum etiam apostolica nos admonet auctoritas ut nostrorum quantum possibile est maximeque domesticorum curam negligere non debeamus idcirco dilectorum nobis fratrum qui ecclesie nostre adtinentes secundum Cisterciensis ordinis professionem deo in Raitenhaslah serviunt paupertatem aliquantula ex parte sublevari cupientes portionem VII librarum quam de salina in Tuual dominus noster archiepiscopus privilegio suo collatam et nos subscriptione nostra in eodem roboravimus ad petitionem eorundem fratrum speciale eiusdem donationis privilegium ob hoc eis conferre voluimus ne quis successorum nostrorum aliquid contra eos moliatur et vel auferre vel minuere conetur id quod voluntario assensu universitas nostra dato propter deum privilegio confirmare studuit Si quis ergo in futuro contra hec quod absit venire temptaverit omnipotentis dei qui non derelinquit sperantes in se sibique servientes non deserit offensam inplacabiliter se noverit incurrere eiusque se in futuro examine districtionem sentire cognoscat Ego Perhtoldus prepositus maioris ecclesie ss Ego Hermannus decanus ss Ego Alhardus ss Ego Wernhardus ss Ego Wernherus custos ss Ego Ortolfus ss Ego Rogerus ss Ego Heinricus camerarius ss Ego Perhtoldus ss Ego Vlchmarus Ego Dietmarus ss Ego Gotschalcus ss Ego Otto ss Ego Hartnidus ss Ego Heinricus plebanus ss Ego Chunradus ss Ego Sifridus scolasticus ss Ego Tiemo ss Ego Heinricus armarius ss Ego Hartfridus ss Ego Otto cellerarius ss Ego Ortolfus ss Ego Hermannus magister hospitalis ss Ego Rogerus ss Ego Willehalmus ss