Charter Document - 04340047
| Charter Number: | 04340047 |
|---|---|
| Cartulary Title: | Salzburg, Erzstift (798 - 1806 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 |
| Date type: | Internal, A.D., Episcopal |
| Resource Link(s): |
Monasterium.net |
Charter:
In nomine sancte et individue trinitatis Adelbertus dei gracia Salzburgensis archiepiscopus et apostolice sedis legatus omnibus ecclesie filiis tam presentibus quam futuris in perpetuum Ex iniunte nobis administrationis officio omnibus spiritalibus divinis deditis obsequiis pro modo nostre facultatis in erogatione beneficiorum temporalium subvenire tenemur Ea propter noverint omnes tam futuri quam presentes etatis bone voluntatis homines quod hac iusta consideratione sanctimonialibus in castro superiori Salzpurch Christo famulantibus ad amplificandum stipendia ipsarum consilio chori nostri et assensu ministerialium nostrorum partem saline quam deus larga benedictione infusa nobis nostris temporibus manifestare dignatus est ad annualem pensionem in loco qui dicitur Mvlpach scilicet ad patellam unam legitima donavimus traditione Et ut ipsa traditio rata et inconvulsa omni tempore permaneat hanc inde paginam fieri et nostro iussimus sigillo insigniri Testes Perhtoldus ecclesie maioris prepositus Hermannus decanus et totus chorus Pilgrimus abbas sancti Petri Wernhardus prepositus de Perhtersgadem Adelbertus prepositus de Chiemse Otto prepositus de Pavmburch Pabo prepositus de Suben Erbo prepositus de Reichersperge Pabo prepositus de Owe Adelvn prepositus de Carse ex ministerialibus ecclesie Sigboto de Surberch Chvnradus castellanus de Salzb[urc] Chuno castellanus de Werven et Chunradus frater eius castellanus de Muldorf Odelricus et frater eius Chunradus de Chalhaim Rudigerus et frater eius Gerhohus Marchwardus de Perchaim et frater eius Gerhohus Levpoldus et frater eius Hainricus de Wallde Chunradus de Grabenstat Hainricus frater eius Levtwinus de Gebeninge et alii plures Acta sunt hec in loco nostro Salzburch anno verbi incarnati[onis] MCXCVIII indictione prima pontificatus vero nostri anno XXX primo