Charter Document - 04340038

Lucius episcopus servus servorum dei venerabili fratri Corrado Salzburgensi archiepiscopo eiusque successoribus canonice substituendis in perpetuum Pastoralis officii consideratione compellimur fratribus et coepiscopis nostris suffragium apostolice sedis impendere et eorum dignitates et iura propensiori studio conservare ne malignitate quorumlibet ecclesiis que sunt eorum gubernationi commisse gravamen i[m]ineat si eis apostolicum defuerit munimentum Attendentes itaque quantum favoris et gratie tu frater archiepiscope pro devotionis affectu et diutine familiaritatis obtentu apud Romanam ecclesiam promerueris et quam devotam ecclesia tibi commissa se Romanis pontificibus exhibuerit nichilominus cogitantes preter commune debitum te et ecclesiam tuam quadam prerogativa dilectionis amplectimur et vobis nostrum tam libenter quam benigne patrocinium impertimur Ea propter tuis iustis postulationibus clementer annuimus et felicis memorie Ioannis Alexandri secundi et Alexandri tertii Romanorum pontificum vestigiis inherentes Salzburgensem ecclesiam cui deo auctore preesse dinosceris sub beati Petri et nostra protectione suscipimus et presentis scripti privilegio communimus statuentes permaneant Ad hec cum inter te frater archiepiscope et canonicos et ministeriales Gurgensis ecclesie super electione pontificis quam idem Gurgen[ses] tam communi iure quam privilegio pie memorie Lucii predecessoris nostri quod se fatebantur habere et longa consuetudine sibi liberam vendicabant ex delegatione supradicti Alexandri tertii predecessoris nostri coram Alberto Frisingensi episcopo et Henrico abbate Sancte Crucis sicut ex eorum litteris nobis innotuit questio diutius agitata fuisset tandem ipsi receptis testibus et rationibus plenius intellectis et inspectis Salzburgensis ecclesie privilegiis electionem Gurgensis episcopi ad Salzburgensem archiepiscopum tantummodo pertinere per sententiam decreverunt Nos autem rescriptum privilegii quod ecclesie tue predecessor noster Alexander secundus indulserat attendentes et cognoscentes ex tenore ipsius quomodo prescriptus episcopatus ad petitionem bone memorie Geboardi predecessoris tui de auctoritate ipsius predecessoris nostri eo modo constitutus fuerit ut ecclesie tue nullo unquam tempore debeat subtrahi nec aliquis episcopus sive per investituram ut dici solet sive quocumque pacto ibi constitui nisi quem Salzburgenses archiepiscopi voluntate propria eligere et consecrare decreverint constitutionem eiusdem predecessoris nostri et sententiam prefatorum iudicum auctoritate apostolica confirmamus Statuimus itaque ut predictus episcopatus in tua semper et successorum tuorum potestate permaneat ita quidem ut ipsius episcopatus episcopis decedentibus sicut in privilegio Alexandri secundi pape et in sententia predictorum iudicum continetur personam idoneam ibi in episcopum eligendi et consecrandi tu et successores tui habeatis liberam facultatem eo non obstante quod de Romano Gurgensi episcopo ab Alexandro tertio predecessore nostro tempore scismatis noscitur fuisse permissum Indignum est enim ut quod studio pietatis apostolica confirmavit auctoritas in detrimentum ecclesie tue debeat redundare Crucem quoque ante vos ferendi et in stationibus festivis super nactum equitandi licentiam habeatis Adicimus preterea ut si quid in ecclesia tua vel suffraganeorum tuorum evenerit quod iudicium apostolicum vel apostolici legati presentiam expetat et tanta fuerit necessitas ut expectari hoc nulla valeat ratione vice nostra diffinias ea tamen in hoc et supradictis mensura servata qua antecessores tuos usos esse per privilegia ecclesie recognosces Porro utendi pallio intra missarum sollempnia in Cena domini in Sabbato magno in die Resurrectionis et Ascensionis in Pentecostes in festo sancti Iohannis baptiste et natalis apostolorum Petri et Pauli et omnium apostolorum in assumptione nativitate et purificatione beate Marie in festivitate omnium sanctorum in sollempnitate sanctorum quorum in ecclesia vestra corpora requiescunt in natale domini in epifania in dedicatione ecclesie et ordinatione clericorum et consecratione episcoporum liberam tibi tuisque successoribus concedimus facultatem Ceterum quia de usu pallii fecimus mentionem et ignominiosum est si ornari pallio querat moribus indecorus hortamur fraternitatem tuam quatinus studio totius sollicitudinis elabores ut tibi cuncta morum ornamenta conveniant quo etiam auctore deo rector ubique possis esse conspicuus Itaque vita tua filiis tuis sit regula in ipsa si qua tortitudo in illis se iniectaverit dirigant in ea quod imitentur aspiciant in ipsa se semper considerando proficiant Apostolicam quoque vicem tibi tuisque successoribus in tota Norica provincia concedimus sicut predecessores tui a nostris usque modo firmam antecessoribus habuerunt Decernimus pro quorum sustentatione concessa sunt nisi reatum suum digna satisfactione examine districte ultioni inveniant amen amen amen Ego Lucius catholice ecclesie episcopus ss + Ego Theodinus Portuensis sancte Rufine sedis episcopus ss + Ego Petrus Tusculanus episcopus ss + Ego Paulus Prenestinus episcopus ss + Ego Petrus tit sancte Susanne presbiter cardinalis ss + Ego Viuianus tit sancti Stephani in Celio monte presbiter cardinalis ss + Ego Cynthius presbiter cardinalis tit sancte Cecilie ss + Ego Arduinus presbiter cardinalis tit sancte Crucis in Ierusalem ss + Ego Matheus presbiter cardinalis tit sancti Marcelli ss + Ego Laborans presbiter cardinalis sancte Marie trans Tiberim tit Calixti ss + Ego Iac[inthus] diaconus cardinalis sancte Marie in Cosmydyn ss + Ego Ardicio sancti Theodori diaconus cardinalis ss + Ego Rainerius sancti Georgii ad Velum aureum diaconus cardinalis ss