Charter Document - 04340018
| Charter Number: | 04340018 |
|---|---|
| Cartulary Title: | Salzburg, Erzstift (798 - 1806 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1055 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia Romanorum imperator augustus Si nostra imperialis munificentia locis venerabilibus sacreque religionis cultoribus quicquam utilitatis contulerit scimus magna presidia tam anime nostre quam etiam stabilitati regni nostri inde accrescere Proinde noverit omnium Christi nostrique fidelium industria qualiter nos pro remedio animarum omnium antecessorum nostrorum et nostri et pro vite nostre coniugisque nostre Agnetis et dilectissime prolis Heinrici regis quarti incolumitate et regni nostri stabilitate precante Beldingo archiepiscopo atque fideli servitio suo monente ad ecclesiam Ivvanensem cui ipse presidet in honore sancti Petri principis apostolorum et sancti Rotberti constructam quoddam predium et ecclesiam que dicitur Strazkang ad sanctum Martinvm dimidiam cum omnibus suis iusticiis et pertinentiis et quicquid Botonis diiudicati atqne proscripti erat inter fluvium Mora et inter predictum locum Strazkang quod nostre imperiali potestati in palatino placito adiudicatum est tradidimus in proprium cum omnibus suis appenditiis hoc est utriusque sexus mancipiis areis edificiis terris cultis et incultis pratis pascuis aquis aquarumque decursibus molis molendinis piscationibus silvis venationibus exitibus et reditibus viis et inviis quesitis et inquirendis cum omni utilitate que ullo modo inde poterit provenire ea videlicet ratione ut prenominatus Beldingvs archiepiscopus sive quilibet eius successor predicti loci Ivvanensis gubernator de prefato predio liberam dehinc potestatem habeant obtinendi tradendi commutandi precariandi vel quicquid sibi placuerit inde faciendi Et ut hoc ratum stabile et inconvulsum omni succedentis temporis evo permaneat hanc cartam inde conscriptam manu propria ut infra videtur corroborantes sigilli nostri impressione iussione iussimus insigniri Signum domni Heinrici tercii regis seeundi Romanorum imperatoris augusti Uuinitherius cancellarius vice Liutpoldi archicancellari recognovi Data II nonas mart anno dominice incarnationis MLV indict VIII tempore domni Heinrici tercii regis secundi Romanorum imperatoris augusti anno autem ordinationis eius XXVII regni XVI imperii VIIII actum Ratisbone in dei nomine feliciter amen