Charter Document - 04340015

In nomine sancte et individue trinitatis Otto divina favente clementia imperator augustus Si petitiones sacerdotum quas pro usu et stabilitate ecclesiarum suarum nostris auribus infuderint ut ante nos regia et imperialis agere consuevit dominatio pia devotione compleverimus id procul dubio presenti ac tempore futuro nobis profuturum esse credimus Quapropter omnium fidelium nostrorum tam presentium quam et futurorum pateat industrie qualiter Fridericus sancte Salzburgensis ecclesie venerabilis archiepiscopus per interventionem dilecte coniugis nostre Theophanu videlicet imperatricis auguste ac fidelis nostri Deoderici Mettensis ecclesie digni provisoris nobis presentavit preceptionem Arnolfi regis in qua continebatur quomodo ipse ob interventum Thietmari reverendi archiepiscopi qui suis temporibus Iuuauensis ecclesie provisor egregius extiterat que est in honore beati Petri principis apostolorum et sancti Rotberti confessoris Christi constructa ac consecrata sue preceptionis auctoritate ad prefatam ecclesiam tradidit Pettouiam civitatem una cum ecclesia et decima illuc pertinente et duas partes civitatis cum bannis theloneis et ponte que ab antecessoribus prenominati regis illo tradita fuerunt et ex parte sua etiam addidit tertiam partem civitatis que proprietatis Carantani fuit illique diiudicata est eo quia reus maiestatis illius criminatus est constare [excepti]s subnotatis rebus quas [uxori illi]us propter fidele servitium concessit id est in superiori et orientali parte civitatis predicte curtilem locum ubi nova ecclesia incepta est [a]tque in inferiori et occidentali parte civitatis ipsius illa [cu]rtilia loca que in potestate tunc habuit cum hobis [centum] et vineis [decem] in Zistanesueld ubi numquam antecessores eius alicui quicquam dederunt propter fidele servitium superius iam dicti archiepiscopi tradidit ad prefatum monasterium sicut acervos duo prope Trauum positi sunt ex summitate termini qui vuagreini dicitur et ita sicut ille exterior vuagreini tendit usque dum Treuuina fluit in amnem Trauum ad Sulpam civitatem Zuip vocatam cum omnibus iuste ad eandem civitatem pertinentibus cum quercetis et campis sicut illa fossa que incipit de Muora et tenditur usque ad Luonznizam et ut Luonzniza et Sulpa de alpibus fluunt quicquid inter has duas amnes habuit totum ad predictum monasterium concessit et forestum Susel cum banno sicut in potestate antecessorum illius et sua fuit venationemque in dulcibus vallibus quam populus cum sacramentis in potestatem regiam affirmavit id est ebdomadas tres ante equinoctium autumnale ac postea usque in natale sancti Mart[in]i ad venandos ursos et apros ad Luminicham iuxta Rapam quicquid ibi habuit ad Nezilinpach ad Sabnizam ecclesiam et curtem cum mansis L item ad Rapam ad Tudleipin ad Labantam ecclesiam sancti Andree uti antecessores eius ad iam dictum monasterium firmaverunt cum decima ut ibi consuetudo est et de curtibus suis adiecit decimam ut in sacris codicibus habetur necnon et saginationem in omni Labanta valle excepto monte Forest nominato propter venationem regalem ligna quoque secanda ad ecclesiam et ad aliud servitium episcopi tam in ipso monte quam in aliis omnibus montibus concessit et unam fossam ruderis in monte Gamanara semper per totum annum habendam ad Curcizam beneficium Engilbaldi ad Carantanam ecclesiam sancte Marie cum decima sicut ecclesiasticus precipit ordo de curtibus regiis id est de Carantana civitate aliisque curtibus ad eandem civitatem pertinentibus id est Trahof Grauindorf Curnuz ibique ad Curnuz operarios sorvos duos in monte cum hobis illorum ligna secanda in ipso monte sine contradictione ministrorum regie potestatis cum saginatione Trebina Astariuuiza Chrapuchfeld Vitrino Friesach Curca Grazluppa Lungouui Sublich Tiufinpach Chatissa Pelissa Chumbenza Vndrima Linta Lieznicha Prucca Muoriza Liubina ad Strazzinalam duo loca et qualiter hec omnia cum rebus iam supra per ordinem nominatis statim a suo iure ob anime sue remedium pralibate ecclesie in potestatem perpetualiter ibi habendum ac possidendum redegit et sue dominationis regia auctoritate confirmavit Sed pro rei statu et firmitate nostram humiliter rogavit celsitudinem ut nos denuo illius donationis traditionem et confirmationem imperiali magnitudine nostre munificentie cunfirmaremus Cuius petitioni vero pie ob votum et intercessionem ut antedictum est care contecta lis nostre Theophanu scilicet imperatricis auguste ac fidelis nostri Deoderici iam dicte Mettensis ecclesie episcopi assensum prebentes quicquid prefatus Arnolfus rex ad ecclesiam superius iam dictam in honore sancti Petri principis apostolorum et sancti Rotberti confessoris Christi luuauia civitate cuius corpus etiam ibi iacet constructam ac consecratam dedit et confirmavit aut alii antecessores sive successores illius illuc tradiderunt parvum cum magno totum a novo imperiali celsitudinis nostre auctoritate ad integrum concedimus ac confirmamus ea videlicet ratione ut ab hodierna die et deinceps predicte res sicut ab antiquis regibus videlicet vel imperatoribus et noviter a nobis tradite et confirmate sunt sub perpetuo iure eiusdem ecclesie absque alicuius contradictione permaneant nec ullus successor noster aut dux vel comes sive vicarius seu quelibet iudiciaria potestas de predictis rebus potestatem habeat quippiam abstrahere vel minuere seu quicquam molestie eidem ecclesie inferre presumat Et ut hec auctoritas largitionis ac confirmationis nostre firmior habeatur ac per futura temporum curricula verius credatur hoc preceptum inde conscriptum anuli nostri inpressione signare iussimus manuque propria ut infra videtur corroboravimus Signum domni Ottonis invictissimi imperatoris augusti Hildiboldus episcopus et cancellarius vice Uuilligisi archicapellani recognovi et subscripsi Data XV kal iunii anno dominice incarnationis DCCCCLXXXII indictione X anno vero regni secundi Ottonis XXV imperii autem XV actum iuxta Tarentum foras muros civitatis feliciter amen