Charter Document - 04340011

In nomine sancte et individue trinitatis Hludouuicus divina favente gratia rex Si de rebus terrenis quas divina sumus largitate consequuti fidelibus nostris adiutorium prebere studuerimus non solum regium morem decenter implemus verum etiam eos procul dubio fideliores ac devotiores in nostro efficimus servitio Quapropter comperiat omnium fidelium nostrorum presentium scilicet et futurorum sollertia qualiter quidan fidelis comes noster Papo veniens in procerum nostrorum presentiam postulavit serenitatem nostram ut quasdam res proprietatis nostre consistentes in Ademundi valle Uuitagouua in prium concedissemus id est mansos serviles XII et pascua et silvas et aquas que in ipsa proprietate coniacent Nos vero ob amorem et servitium suum libenti animo assensum prebentes decrevimus ita fieri et dedimus prescripto Uuitagouua comite nostro in Ademundi valle mansos serviles XII pascua et silvas et aquas que in ipsa proprietate coniacent ea videlicet ratione ut quicquid ab hodierna die et deinceps prescriptus Uuitagouua de predictis rebus facere voluerit per hoc nostre auctoritatis preceptum facere voluerit nullo inquietante sed deo auxiliante perpetuis temporibus potestatem habeat faciendi quicquid elegerit absque alicuius contradictione Et ut hec auctoritas concessionis nostre inconcussam et inviolabilem obtineat firmitatem manu propria nostra subter eam firmavimus et anuli nostri inpressione assignare iussimus Signum domni Hludouuici serenissimi regis Hebarhardus notarius ad vicem Uuitgarii recognovi et [] Data kal octob anno XXVIII regni domni Hludouuici serenissimi regis in orientali Francia regnante indictione VIII actum Ranthesdorf villa regia in dei nomine feliciter amen