Charter Document - 04340005

In nomine domini dei et salvatoris nostri Iesu Christi Hludouuicus divina ordinante providentia imperator augustus Cum petitionibus sacerdotum iustis et rationabilibus divini cultus amore favemus superna nos gratia muniri non diffidimus Noverit interea sagacitas seu utilitas omnium fidelium nostrorum tam presentium quam et futurorum quia vir venerabilis Arno Iuuenensis ecclesie archiepiscopus nec[non Salz]burgensium detulit nobis auctoritates immunitatum domni et genitoris nostri Karoli bone memorie piissimi augusti in qua erat insertum qualiter ipsam sedem que est in honore sancti Petri pri[ncipis a]postolorum ubi etiam sanctus Hruotbertus corpore requiescit non sol[um cu]m cellulis sibi subiectis et re vel hominibus ad se pertinentibus vel aspicientibus sub suo nomine vel defensione consistere fecerat verum etsiam et quicquid ex liberalitate regum reginarumque ducum vel ceterorum fidelium sancte dei ecclesie eidem ec[cl]esie adtributum est perpetuo in ditione eius consisteret S[ed] pro rei firmitate postulavit nobis prefatus venerabilis Arno archiepiscopus ut paternum morem sequentes huiuscemodi nostre inmunitatis atque confirmationis preceptum ob amorem dei et reverentiam ipsius sancti loci circa ipsam ecclesiam fieri censeremus Cuius petitioni libenter adsensum prebuimus et hoc nostre auctoritatis preceptum erga ipsam ecclesiam inmunitatis atque tuitionis gratia f[ieri decr]evimus per quod pre[cipimu]s atque iubemus ut sicut [genitoris] nostri preceptum c[ontinebat ita deincep]s inviolabilit[er conservetur ut videli]cet ea que eidem ecclesie retroactis temporibus conlata fuerunt et que modo a fidelibus iuste conferuntur vel que [deinceps legaliter conlata fuerint per hanc firmitatem nostram absque alicuius contrarietate possideat et nullus iudex publicus vel quilibet ex iudi]ciaria potestate in ecclesias aut loca vel agros seu reliquas possessiones memorate ecclesie quas moderno tempore in quibuslibet pagis [vel territoriis infra ditionem imperii nostri iuste et legaliter possidet vel que deinceps in iure ipsius sancti loci voluerit divina pietas augeri ad causas audiendas vel fred]a aut tributa exi[genda au]t mansi[ones vel paratas faciendas aut fide iiussores toll]endos aut homines ipsius eccl[esie tam ingenuos quam et servos super terram ipsius conmanentes iniuste distringendos nec ullas redhibitiones aut inlicitas occasiones requirendas nostris aut futuris temporibus ingre]di aud[eat] [vel ea que supra memorata sunt penitus exigere presumat sed liceat memorato presuli suisque successoribus res] predicte ecclesie [sub inmunitatis nostre defensione quie]to ordine possidere et nostro fideliter parere precepto atque pro incolumitate nost[ra] coniugis ac prolis seu etiam [totius imperii a deo nobis concessi atque conservandi iu]giter domini miseri[cordiam exorare delectet et] quicquid exinde fiscus sperare poterit totum nos pro eterna remuneratione eidem ecclesie concedimus ut in alimonia pauperum et stipendia clericorum ibidem deo famulantium perp[etuis temporibus proficiat in] augmentum Et ut hec auctoritas nostris futurisque temporibus domino protegente valeat inconvulsa manere manu propria subter firmavimus et anuli nostri inpressione signari iussimus Signum Hludouuici serenissimi imperatoris C Durandus diaconus ad vicem Helisachar recognovi et subscripsi Data nonas februar an[no Christo propitio] tertio imperii domni Hludouuici piissimi augusti indictione VIIII actum Aquisgrani palatio regio in dei nomine feliciter amen