Charter Document - 04331061
| Charter Number: | 04331061 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1161 |
| Date type: | Internal, Calendar, Regnal, Episcopal |
| Resource Link(s): |
Monasterium.net |
Charter:
Ad salutem perpetuam fili in Christo karissime spectat et eterne beatitudinis premia cumulat si quis loca divinis cultibus quondam mancipata vetustate dilapsa honoribus relevat facultatibus ditat nam exinde felix illa usura excrescit que beatum et divitem negociatorem facit Quapropter omnium fidelium tam presentium quam futurorum noverit industria qualiter nos pro remedio anime nostre et omnium antecessorum nostrorum consilio venerabilis fratris nostri Romani Gurcensis episcopi et Hugonis ecclesie nostre prepositi et Heinrici abbatis sancti Petri aliorumque fratrum nostrorum atque fidelium delegavimus predium quoddam ecclesie beati Maximiliani Bongowe quod fuerat prius beneficium bone memorie Rogerii ministerialis nostri filii Berhtoldi de Houe videlicet curiam illam Ladradeshobe que nunc prepositi curia dicitur cum omni iure suo cum cultis et incultis pascuis et exitibus et novale quod eidem curie supereminet in villicatione autem Houe duo iugera et dimidium per singulos campos eiusdem villicationis que simul iuncta faciunt X iugera et duo curtilia in villa Hove Testes autem huius delegationis per aurem tracti fuerunt Duringus castellanus de Weruen Fridericus Gotscalci filius de Hunesberge Otto et Wisint de Bongowe Ekkehardus de Tanne Marchwardus dapifer Rogerius et Marchwardus filii sororis eius Starchandus filius Starchandi Houekelz Heinricus de Siesdorf Gotscalcus de Prunningin Rodolfus cellerarius Wolmot et Wicpoto frater eius Acta sunt autem hec in Castro Weruen anno MCLVIIII indict VII XVIIII kal ianuarii regnante Friderico Romanorum inperatore anno regni eius VIII inperii vero V nostri autem pontificatus anno XIII