Charter Document - 04330082
| Charter Number: | 04330082 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | |
| Date: | 1190 - 1193 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Albertus Dei gracia Salzburgensis ecclesie archiepiscopus apostolice sedis legatus Gundachero preposito et eiusdem ecclesie canonicis In perpetuum memorie omnium fidelium tam futurorum quam presentium pandimus quomodo venerabiles fratres nostri Gundacherus prepositus Cum reliquis canonicis sedis nostre metropolitane instantia nostre peticionis inclinati aream ecclesie sancti Iohannis In civitate proximam ubi hospitale eorum consistit cuidam nobili femine ita appellata de Werven concesserunt eo pacto Ut ipsa predictam aream quo ad usque viveret possideret nec ad quemquam liberorum suorum ea defuncta iure hereditatis transiret quod pactum seu conventionem prenotata femina gratuiter recepit adiciens Ut In quocumque ipsa area In edificiis aut rebus quibusque In melius excresceret non ad liberos suos Sed ad predictos canonicos totum pertineret quam compromissionem sepe dicti canonici confirmare recusarunt nisi pagine nostre pontificali sigillo signate attestatione roboraremus quod hilariter fecimus et subscriptos testes inscribi iussimus Rodolfus eiusdem ecclesie decanus Wicpoto camerarius Hainricus plebanus Wernherus custos Hainricus Cremensis Hermannus Longvvensis Volcmarus scolaris frater Siboto hospitalarius Meingotus castellanus et frater suus Siboto de Surberch Rudigerus vicedominus et fratres sui Gerhohus et Marquardus Hainricus de Wispach Volcholdus miles castellani Chunradus Muselhart Engelbertus Smecho Hainricus camerarius textor Marquardus servus prepositi de Rastat et alii quam plures