Charter Document - 04330078

In nomine sancte et individue trinitatis Theobaldus dei gratia Pataviensis opiscopus Gundachero Salzbvrgensi preposito et eiusdem ecclesie choro in perpetuum Pastoralis consideratione officii compellimur iustis quorumlibet ecclesiarum rectorum contractibus quotiens nostre indiguerint auctoritatis munimine benignum prestare favorem Eapropter omnibus Christi fidelibus innotescere volumus quomodo Goteschalcus Walthusensis prepositus una cum consensu fratrum suorum plurium et meliorum predia quecumque in Lungowe et Ketelenbruke et Iunah ecclesie Walthusensi attinebant tam cultis quam incultis quesitis et inquirendis molendinis molendinorumque locis aquis aquarumque decursibus exitibus et reditibus agris pratis silvis pascuis montanis et planis cum mancipiis omnique integritate iuris sui Gundakaro Salzburgensi preposito et eiusdem ecclesie choro in perpetuum quiete ac libere possidenda pro centum et decem marcis monete Friesacensis vendiderit atque tradiderit salubri super hoc habita deliberatione ut ex eodem precio viciniora et commodiora predia sue conquireret ecclesie Hunc igitur contractum utrique parti utilem fore prospicientes quoniam Walthusensis ecclesia cum omni iure suo Patauiensi ecclesie cui licet inmeriti presidemus integraliter attinet et eo respectu sine nostra auctoritate predicta venditio rata penitus haberi non poterat nos utrique parti esse provisum cupientes in posterum ad peticionem predictorum Gundakari Salzburgensis et Goteschalci Walthusensis prepositorum de coniventia et consensu totius chori nostri pretaxatam venditionem roborantes prememorata predia in Lungowe et Ketelenbruke et Iunah sita predicto Gundakaro preposito Salzburgensi et ecclesie sue choro confirmavimus His ita peractis contigit quibusdam fratribus et sororibus Walthusensis predictam venditionem displicere quia asserebant predia illa precio minus iusto vendita fuisse addique sibi aliquid debere Quorum instantie satisfacientes preposito Salzburgensi Gundakaro persuasimus marcas quindecim monete Frisacensis superaddere quod et fecit et insuper ut omnis sopiretur controversia addidit ex sua liberalitate marcas octo tres sororibus quinque conventui reliquo nec non et ciphum argenteum octo talenta valentem Igitur postquam omni eorum peticioni satisfactum fuit totius congregationis Walthusensis tam clericorum quam laicorum fratrum et sororum super facto consensum singulorum et singularum subscriptione annotatum ac nobis per discretos et dilectos clericos nostros ecclesie nostre canonicos Burchardum de Cbambe et magistrum Richerum recipientes transmissum denuo pretaxate venditionis seriem scripto sigillo nostro munito confirmavimus appositis ibi testibus quam pluribus Post hec vero cum sepe supramemoratus Gotschalcus Walthusensem resignasset preposituram eique Sighardus ad illam canonice electus substitutus fuisset sepe nominatus Salzburgensis prepositus Gundakarus ut factum suum ex omni parte firmum et immobile permaneret in capitulo nostro in media Quadragesima Chremse habito residuum pecunie Walthusensi ecclesie promisse quod Gotschalco priori preposito minus dederat Sighardo successori suo et fratribus Walthusensibus pleniter persolvit et sic iterum consensum eiusdem Sighardi prepositi et fratrum suorum in presentia nostri et capituli contractus superior confirmatus est Adhuc autem ne alicuius ad quem res ista aliquomodo spectabat favor deesse videretur quesitus est assensus Ottonis comitis de Velburch Walthusensis ecclesie advocati qui delegationem predictorum prediorum bona sua voluntate in manus nobilis viri Heinrici comitis de Pleigen in sollempni Livpoldi ducis Austrie placito apud Mutam posuit ut et ipse comes Heinricus vice comitis Ottonis ipsa predia super altare sancti Rodberti Salzburch delegaret iuri quoque suo quod in advocatia eorumdem prediorum idem Otto comes habebat receptis super hoc a preposito Salzburgensi Gundakaro viginti quatuor talentis penitus renunciavit Delegationis autem huius et renuntiationis advocatie testes hii interfuerunt Hertnidus de Imzinsdorf Chonradus de Stritwisen Sifridus Isenbutel Wintherus de Blasenstaine Wichardus Herbordus Ortolfus de Chlamme Sifridus de Munichesbach Sifridus Cumpoldus et Chonradus frater eius de Sulzbach Odalricus de Sehsen Baldrat de Otmarsuelde Walto et frater eius Wernhardus de Birboume Pilgrimus de Chlenigrobe et alii quam plures Postmodum vero Heinricus comes de Pleigen pecunia Walthusensibus et advocato ad plenum soluta de fide delegationis commonitus predia suprascripta sicuti ei a comite Ottone fuerat commissum super altare sancti Rodberti Salzburch manu potestativa delegavit asstantibus his testibus Sigbotone seniore de Surberch Livpoldo et filiis eius Heinrico et Liupoldo de Nohstaine Marchquardo de Forhtenstaine et fratribus eius Rodegero et Gerhoho Heinrico de Gebeningen Heinrico de Chalheim Hartwico de Sechirchen Chonrado de Pleigen Pabone et Engelberto de Salzburch Nos itaque debitam qua tam Salzburgensi quam Walthusensi tenemur ecclesie adtendentes devotionem ut omnia ista premissa et antea roborata in perpetuum firma et inretractabilis perseverent presentis scripti paginam gestorum istorum seriem integraliter et veraciter continentem sigilli munimine nostri signatam et testium subscriptorum auctoritate corroboratam nunc demum firmiter stabilimus quorum nomina sunt Otto Babenbergensis episcopus Otto Frisingensis episcopus Heinricus Babenbergensis prepositus Tegno decanus Patauiensis Burchardus de Chambe Odalricus prepositus de Ardacher Wernherus prepositus de Matse Meinhalmus plebanus Patauiensis Richerus canonicus et prothonotarius curie Patauiensis Chonradus de Burchusen Chonradus de Sirnik Berhtuldus dux Dalmatie Odalricus comes de Berge Hermannus comes de Lapide Albero de Vihehouen Rodolfus dapifer Gotfridus camerarius Waltherus de Tannenberc Otto de Zaizenmure Dietricus de Werdarn Sigefridus de Grifenstaine Duringus de Styra Alkerus de Waleke et alii quam plures [Acta sunt hec anno incarnationis dominice MCXC in dei nomine feliciter amen]