Charter Document - 04330076
| Charter Number: | 04330076 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | |
| Date: | 1184 - 1190 |
| Date type: | Assigned |
| Resource Link(s): |
Monasterium.net |
Charter:
Renatis sanguine passionis Christi memorandum aperimus qualiter vir nobilis Otto de Machlant zelo divini timoris inductus predia quecumque in Lungo et Ivnach visus est habuisse in manum comitis Hanrici de Schala Walthuensi ecclesie tradenda delegavit Tractu sane temporis cum ex occasione conventionis mutue videlicet domni Gundacheri Salzburgensis prepositi et Walthuensis congregationis predicta predia in usum cessissent Salzburgensis chori Sigehardus Walthuensis prepositus a comite prememorato de Schala delegationem fidei sue a domno Ottone commissam requisivit quam et ipse comes in manum viri nobilis domni Hadmari de Ramenstain tradidit Idem quoque vir nobilis Hadmarus pluribus negotiis occupatus sepe dicta predia in manum Hadmari nepotis sui iure delegationis loco suo deleganda tradidit Hec itaque delegatio ex petitione domni Sigehardi Walthuensis prepositi et canonicorum fratrum quoque ac sororum eiusdem loci per puerum supradictum Hadmarum aput Anasum super reliquias ecclesie sancti Rvdberti tradita tandem fuit Aderant autem huic delegationi tam clerici quam laici qui testes eiusdem rei ibidem sunt subscripti Sigehardus Walthuensis prepositus Hainricus archidiaconus de Gronuurt abbas de Povmgartperge Ebo plebanus de Chrvze Perngerus plebanus de Ahlit Heroldus plebanus de Sahsenkhirc Lvdwicus plebanus de Niwenkhirch magister Hainricus de sancto Floriano Eberhardus de Erla Hadmarus delegator Wolfkerus puer de Erla Dietmarus miles de Ramnstain Albertus miles de Erla Rudgervs miles de Walthvsen Engelschalcus Ekfridus Riwinus Vlricus Siboto Bertholdus Sifridvs Helmwicvs Hainricus Vazo cives Ensenses Dietricus et Hirzo de Erla