Charter Document - 04330074
| Charter Number: | 04330074 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1179 |
| Date type: | Assigned |
| Resource Link(s): |
Monasterium.net |
Charter:
Alexander episcopus servus servorum dei dilectis filiis Siboton preposito et canonicis Salzeburgensis ecclesie salutem et apostolicam benedictionem Ea que iudicio rationabiliter statuuntur firma debent et illibata consistere et ne temeritate qualibet in recidive contentionis scrupulum reducantur scripti apostolici munimine roborari Hac itaque ratione inducti et vestris iustis postulationibus annuentes ecclesiam sancti Martini a venerabili fratre nostro Salzeburgensi archiepiscopo apostolice sedis legato vobis adiudicatam sicut eam canonice possedetis vobis et ecclesie vestre auctoritate apostolica confirmamus et presentis scripti patrocinio communimus statuentes ut nulli omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Velletr XVIIII kal ianuarii