Charter Document - 04330073
| Charter Number: | 04330073 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1179 |
| Date type: | Internal, A.D. |
| Resource Link(s): |
Monasterium.net |
Charter:
P[etrus] de Bono nullis suffragantibus meritis sancte Romane ecclesie presbiter cardinalis titulo sancte Susanne apostolice sedis legatus universis Christi fidelibus ad quos littere iste pervenerint salutem et debitam in domino dilectionem Quotiens ad pacem ecclesiarum lites rationabili sententia deciduntur ratio suggerit ut quod utiliter geritur perpetue memorie conmendetur et habeat secutura posteritas quibus rationibus iniuste litigantibus se obponat Reverendus frater et amicus noster Conradus Salzeburgensis archiepiscopus apostolice sedis legatus et prepositus de Walthuse super possessione capelle sancti Michahelis controversiam habentes contentionem suam nostro iudicio de proprio arbitrio subposuerunt Unde nos testibus hinc inde receptis et examinatis et causa discussa ac diligenter cognita prefato fratri nostro archiepiscopo et ecclesie sue possessionem adiudicavimus et adverse parti super ipsa questione silentium imposuimus ius proprietatis intautum cuicumque conpetit in posterum relinquentes Actum in ecclesia maiori Salzburgensi anno domini MCLXXVIIII mense iulio feliciter amen