Charter Document - 04330070
| Charter Number: | 04330070 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 |
| Date type: | Internal, Regnal |
| Resource Link(s): |
Monasterium.net |
Charter:
In nomine sancte et individue trinitatis Ego Albertus Salzburgensis ecclesie archiepiscopus canonicis ecclesie maioris in perpetuum Notum esse volumus qualiter honorabilis ministerialis noster Meingotus castellanus et uxor sua Diemud ecclesiam nostram maiorem copiose ditaverunt pro remedio animarum suarum omniumque parentum suorum delegantes ad altare beati Rodberti predia sua in usus canonicorum ibidem deo servientium Hegelen videlicet municionem suam totam cum curte et mansis omnibus ad ipsam domum pertinentibus cultis et incultis quesitis et inquirendis cum foresto et quatuordecim vineis tam Hegelen quam Chuneliten sitis et agris ad culturam vinearum pertinentibus et cum omnibus propriis hominibus Hegelen pertinentibus exceptis militibus tali pacto ut post mortem amborum hec traditio rata sit si sine herede de hoc seculo migraverint si vero ipse de alia uxore vel ipsa de alio marito prolem habuerit ad hunc heredem nichil de his pertineat set stabiliter delegatio facta maneat in perpetuum Aliud quoque predium simul tradiderunt Waltprethingen scilicet villam totam cum Vque molendinis et mancipiis ceterisque pertinentiis item aliud predium Takkingen tali forma ut post obitum utriusque proprietas perpetua esset ecclesie sive heredem acquirerent sive non acquirerent Nec illud latere volumus quod idem predium Waltpretihingen Heinricus videlicet de Sechirchen ministerialis ecclesie prius in extremis suis predictis fratribus pro anima sua tradidit post mortem uxoris sue Liutkarde de Sconeberch set predictus Meingotus et uxor sua Diemud post mortem prefate Liutkarde de eodem predio iure consanguinitatis se intromiserunt Quam querimoniam deo inspirante prudenter et religiose non solum terminaverunt set insuper multa bona contulerunt tali modo ut omnia prefata predia post mortem eorum secundum prescriptam rationem ecclesie devenirent hoc excipientes ut quamdiu ipsi viverent numquam a predictis fratribus querimonia de predio illo Waltprethingen pulsarentur Nos autem tantam devotionem et utilitatem ecclesie nostre debito clementie et congratulationis affectu amplexantes predictam tradi[tionem] ratam esse volumus et nostra auctoritate corroboramus in perpetuum Huius rei testes sunt Sigboto de Surberch frater eiusdem Mein[goti] Marchwardus castellanus de Vorhtenstein et frater eius Rodegerus Rodolfus Chrophel Marquardus de Kastune Dietmarus [de Vochenberge] et filius eius Dietmarus Volcholdus et frater eius Fridericus Heinricus de Mukkeheim Dietmarus Iniustus Heinricus de Hegelen Ulricus de Sitelinstorf Heinricus de Wispach Heinricus filius Odelberti de Bonegowe Pruno cives Pertoldus iudex Meingotus senior Hartmannus Rex Rodolfus sellarius Ernst Heinricus chastenare Ekkehart Wernhart Heinricus de Porte et alii multi Facta est autem hec traditio mill[esimo] CLXX anno regnanto serenissimo Friderico imperatore anno autem imperii eius XVIIII