Charter Document - 04330068
| Charter Number: | 04330068 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | |
| Date: | 1168 - 1170 |
| Date type: | Assigned |
| Resource Link(s): |
Monasterium.net |
Charter:
[I]n nomine sancte et individue trinitatis Adelbertus dei gratia Salzburgensis ecclesie archiepiscopus Sigbotoni venerabili eiusd[em e]cclesie preposito atque canonicis in perpetuum Quotiens a Christi fidelibus ad usum deo servientium aliquid ecclesiis tradit[ur u]bi nostre auctoritatis confirmatio desideratur libenter debemus pia vota in omnibus adiuvare et corroborare [I]nde est quod tam futuris quam presentibus notum fieri volumus qualiter religiosus sacerdos Lofensis parrochianus Vdelscalcvs nomine quatuor sua propria iugera vinearum in monte qui dicitur Chobolt sita ad altar[e b]eati Rodberti delegavit pro veneratione sancte crucis et pro remedio anime sue omniumque parentum [s]uorum tali forma quatinus in feriis sextis semel in die per circulum anni toti congregationi videlicet canoni[ci]s fratribus et sororibus potus karitatis binis et binis unum honestum poculum inde administretur Sane nulli liceat vel preposito vel cellerario aliquid inde hospitibus seu spiritalibus seu secularibus [t]ribuere nulli omnino persone nisi soli congregationi sicut determinatum est Scolares [q]uoque ab hac gratia secundum suum modum non excludantur Et quia diversis annis diverso modo [n]unc plus nunc minus solet fructus provenire decrevit predictus sacerdos ut de habundantia boni anni quod superesse potest sequentis anni inopie conservetur ne aliquo modo predicta insti[]