Charter Document - 04330063

In nomine sancte et individue trinitatis Otacher dei gratia Stirensis marchio Hugoni venerabili preposito et canonicis sancte Salzburgensis ecclesie in perpetuum + Nos qui conversatione secularis vite opera quibus vita paratur eterna digne facere non possumus pia saltem devotione sacra loca deoque vacantes homines honorare et rebus transitoriis nobis conciliare debemus amicos ut per ipsos mereamur in eterna recipi tabernacula Unde omnibus tam futuris quam presentibus innotescere volumus quid et qualiter pro salute anime nostre et dilecte amite Chunigunde omniumque parentum nostrorum Salzburgensi ecclesie in usum regularium canonicorum contulimus Siquidem karissima amita nostra uxor preclari comitis Bernhardi sine sobole moriens in extremis suis prefate sancte ecclesie predium quoddam Werchendorf dictum pro remedio anime sue contulit Quod factum cum ratum esse nollemus quia ad nos hereditario iure respicere videbatur tandem inspirante gratia dei placuit nobis de ammonitione Eberhardi venerabilis Salzburgensis ecclesie archiepiscopi Romani Gurcensis episcopi Hugonis Salzburgensis ecclesie prepositi aliorumque religiosorum ut ita faceremus sicut presens continet pagina Predium quoddam de patrimonio nostro Cidelarn dictum videlicet quidquid ad dominicalia nostra pertinet cum omnibus pertinentiis suis cultis et incultis quesitis et inquirendis seu quocumque modo aliquis usus inde provenire poterit dilecta coniuge nostra Chunigunda consentiente eidem ecclesie tradidimus usum tamen usque ad finem vite nobis reservavimus hoc pacto ut post terminum vite nostre si sine sobole herede de hac vita discederemus sine omni exceptione prenominatis canonicis in perpetuam proprietatem usumque cederet si vero sobolem essemus habituri curtis illa de predio Cidelarn quam etiam in testimonium proprietatis eis contulimus in perpetuum eis remaneret Werchendorf post mortem nostram canonicis ex integro redeat Et ut firmius totum constaret partem utriusque predii in testimonium proprietatis ad presentem eorum usum reliquimus de Cidelarn curtem quandam de Werchendorf vero beneficium cuiusdam coloni Hoc factum est Friesach in nativitate domini nostri Iesu Christi presente et presidente Eberhardo venerabili sancte Salzburgensis ecclesie archiepiscopo anno ab incarnatione domini millesimo centesimo sexagesimo secundo indictione decima Presentes fuerunt Hartmannus Brixinensis Romanus Gurcensis venerabiles episcopi Heinricus abbas sancti Petri Salzburch Romanus Gurcensis Odalricus Chimensis Wernherus Sekowensis Chono Subenensis prepositi Engilram Otacher archidiaconi Huius autem rei testes sunt Engilbertus marchio de Chreiburch Otto de Chaphenperch et frater eius Wlfvinch Purchart de Murekke Chonradus de Tirnstein Chol de Truhsen et frater eius Ortolfus Heinricus de Chathse et frater eius Ortolfus Gotfrid de Wietingen Rodolfus de Tunsperch Friderich de Pettowe Fridericus de Lonsperch Duringus de Weruen Hartnidus castellanus Salzburgensis Ekkehardus de Tanne Sigbot de Surberch Chonradus Hofekelze Sifridus castellanus Friesacensis Timo castellanus de Hoenburch et filius eius Albero Gerbot de Longowe Eodem anno Salzburch octava kal sept[embris] renovare curavimus privilegio nostro sigillo impresso presentibus his testibus Diepoldo marchionis filio de Voeburch Liutpoldo filio comitis Liutoldi de Pleigen Chonrado de Wolfesekke Poppone de Vrhae Engilscalco de Wasen Rodolfo de Albekke Perngero de Chapelle Odalrico Stuhs Rodolfo de Fremilisperch Dietmaro pincirna marchionis Dietmaro de Lengenowe Duringardo de Wolwizze Chonrado de Pleigen Hec delegatio facta est per manum cuiusdam nobilis viri Chonradi de Wolfesekke Data Salzburch VIII kal sept[embris] anno dominice incarnationis MCLXII indictione X anno autem XI gloriosissimi Friderici regnantis imperii vero VIIII presidente Salzburgensi ecclesie dignissimo Eberhardo archiepiscopo cuius etiam hic sigillum impressum est