Charter Document - 04330060

In nomine sancte et individue trinitatis Ego Eberhardus divina favente gratia Iuuauensis ecclesie archiepiscopus Valida est superni iudicis sententia ovibus ad dextram constituendis in extremo examine promulganda Venite benedicti patris mei possidete regnum preparatum vobis a constitutione mundi ubi Christus est in causa ipse qui loquitur Amen dico vobis Quamdiu fecistis uni de his fratribus meis minimis michi fecistis Nos ergo qui gratia dei sumus id quod sumus summa industria eniti debemus ut per eandem gratiam id ipsum audire mereamur Itaque predecessoris nostri beate memorie Chonradi archiepiscopi vestigiis inherentes firmamus traditionem que a comite Sigbotone facta est de loco qui dicitur Viuaria ad altare beati Petri et beati Rodberti et item traditionem que a prefato archiepiscopo facta est ad prefatum locum Viuariam in quo secundum beati Augustini regulam vita canonica deinceps servanda est Decedente vero eiusdem loci preposito si inter fratres ad subrogandum alter dignus inventus non fuerit a choro Salzburgensi requiratur Hec autem nostri predecessoris traditio est area una in Halle quinquaginta carrate salis de maioribus carratis decime novalium in possessionibus sancti Emmerammi de duabis parrochiis Stefinskirchen et Bruttingen dimidius mansus per concambium a Burtine redemptus Insuper nos ex consilio fratrum nostrorum scilicet venerabilis Gurcensis episoopi Romani et canonicorum de sede nostra ad sublevandam inopiam fratrum predictorum ob amorem et reverentiam beate semper virginis Marie et apostolorum Petri et Pavli et omnium sanctorum tradimus de plaustro apud Halle quod nobis solvit duo talenta tradimus inquam talentum unum ad prefatum locum non inmemores etiam sincere devotionis eiusdem loci prepositi Wilhelmi capellani nostri Hanc autem confirmationem et delegationem fecimus presentibus et faventibus prelatis de ecclesia nostra Hugone preposito sedis nostre Vlrico Kymense preposito Heinrico Berthersgadmense Liuthero Owense Diethmaro Hallense Fridarico Cellense et eam subscriptis testibus corroboravimus quorum hec sunt nomina Hartnidus de Fisca castellanus Salzburg Duringus de Diethrammingin castellanus Weruen Wilhalmus de Wenerberge Ekkehardus de Tanne Dietmarus de Eigheim Egilolfus de Nuwinkirchen Adelo de Monte sancti Benedicti Wisint de Bongowe Otto de Engillanting Ekkehardus de Vzeling Hallenses cives Liutoldus Sigboto Wergant Pabo Ortho Anno incarnationis domini MCLVIIII indict VIII presidente Romane ecclesie Adriano papa Romanum autem imperium Friderico cesare amministrante facta est huius traditionis conscriptio Data Salzbvrcg XVII kal aug