Charter Document - 04330059

Adrianus episcopus servus servorum dei dilectis filiis Hugoni preposito sancti Rodperti Salzburgensis ecclesie eiusque fratribus tam presentibus quam futuris canonicam vitam professis imperpetuum Quotiens illud a nobis petitur quod religioni et honestati dinoscitur convenire animo nos decet libenti concedere et petentium desideriis congruum inpertiri suffragium Ea propter dilecti in domino filii vestris iustis postulationibus clementer annuimus et predecessorum nostrorum felicis memorie Calixti Honorii Innocentii et Eugenii Romanorum pontificum vestigiis inherentes ecclesiam sancti Rodberti in qua divino mancipati estis obsequio sub beati Petri et nostra protectione suscipimus et presentis scripti privilegio communimus in primis siquidem statuentes ut ordo canonicus qui secundum deum et beati Augustini regulam atque institutionem venerabilis fratris nostri bone memorie Conradi Salzburgensis archiepiscopi noscitur institutus perpetuis ibidem temporibus inviolabiliter observetur Sancimus etiam ut nullus de loco in quo statuti estis vos audeat ammovere aut ordinem alterius professionis super vos inducere Preterea quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione rogum vel principum oblatione fidelium seu aliis iustis modis prestante domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Longov cum omnibus pertinentiis suis Kiemecav cum omnibus pertinentiis suis Saldorf cum omnibus pertinentiis suis Harding cum omnibus pertinentiis suis salinas in Halle cum curtibus et mancipiis et aliis pertinentiis suis in orientali plaga vineas agros curtes familias cum omnibus pertinentiis suis Arnestorf cum omnibus pertinentiis suis Peberar cum omnibus pertinentiis suis et ea que iuste et legitime possidere videmini in Salzburgensi pago tam in agris quam in pratis et in novalibus ecclesiam sancti Iacobi que in Salburgensi civitate iuxta monasterium vestrum sita est cum omnibus pertinentiis suis in Pongov curtem Hopfcar cum omnibus pertinentiis suis Sane ne quis vestrum clericus vel laicus post professionem exhibitam proprium quid habere neve sine abbatis vel congregationis licentia claustri cohabitationem deserere audeat interdicimus Prohibemus etiam ut nullus ecclesie vestre advocatus alium pro se substituere vel vos iniustis vexationibus fatigare presumat Nulli etiam episcopo licentia pateat angarias vel alias novas exactionis canonice quieti et religioni contrarias vobis vel ecclesie vestre imponere Obeunte vero te nunc eiusdem loci preposito vel tuorum quolibet successorum nullus ibi qualibet subreptionis astutia seu violentia preponatur nisi quem fratres communi consensu vel fratrum pars consilii sanioris secundum deum et beati Augustini regulam providerint eligendum Decernimus ergo ut nulli omnino hominum liceat prefatam ecclesiam temere perturbare aut eius possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum gubernatione et sustentatione concessa sunt usibus omnimodis profutura salva sedis apostolice auctoritate et Salzburgensis archiepiscopi canonica reverentia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi presumptionem suam digna satisfactione correxerit potestatis honorisque sui dignitate careat reamque [s]e divino iudicio existere de perpetrata iniquitate cognoscat ut a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine districte ultioni subiaceat cunctis autem eidem loco sua iura servantibus sit pax domini nostri Iesu Christi quatinus et hic fructum bone actionis percipiant et apud districtum iudicem premia eterne pacis inveniant Amen amen amen Ego Adrianus catholice ecclesie episcopus ss + Ego Hubaldus presbiter cardinalis titulo sancte Praxedis ss + Ego Bernardus presbiter cardinalis titulo sancti Clementis ss + Ego Octauianus presbiter cardinalis titulo sancte Cecilie ss + Ego Iohannes presbiter cardinalis sanctorum Iohannis et Pauli titulo Pamachii ss + Ego Ildebrandus presbiter cardinalis basilice XII apostolorum ss + Ego Odo diaconus cardinalis sancti Georgii ad Velum aureum ss + Ego Iacintus diaconus cardinalis sancte Marie in Cosmydyn ss + Ego Boso diaconus cardinalis sanctorum Cosme et Damiani ss + Ego Albertus diaconus cardinalis sancti Adriani ss Dat Lateran per manum Rolandi sancte Roman ecclesie presbiteri cardinalis et cancellarii III kal ian indictione VI incarnationis dominice anno MCLVII pontificatus vero domni Adriani pape IIII anno quarto