Charter Document - 04330051
| Charter Number: | 04330051 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1151 |
| Date type: | Internal, A.D. |
| Resource Link(s): |
Monasterium.net |
Charter:
In nomine patris et filii et spiritus sancti amen Pelegrinus dei gratia sancte Aquileiensis ecclesie patriarcha Notum sit universis Aquileiensis ecclesie fidelibus tam presentibus quam futuris qualiter nos siquidem Pelegrinus dei gratia sancte Aquilleiensis ecclesie patriarcha venerabilibus fratribus nostris sancte Salzburgensis ecclesie preposito et canonicis teloneum quod in Canali ad Clusam nostram de propriis summariis persolvere consueverant eorum peticionibus et religiosis actibus inclinati benigne concessimus Successores itaque nostros rogamus et admonemus in domino ut quod nos caritatis et religionis intuitu fecimus divini amoris respectu ratum habeaut et manuteneri faciant Quod ut verius credatur et inconvulsum permaneat presentem paginam sigilli nostri inpressione insigniri fecimus Actum est hoc Salzburge anno ab incarnatione domini MCLI indictione XIIII Huius rei testes sunt Geruwicus Concordiensis episcopus abbates Rodolfus Sextensis et Pertoldus Oberenburgensis Leo prepositus Iunensis comes Wolfradus Albertus de Manzano Otach[er]us Egebertus Amicus et quam plures alii X Ego Chono domini patriarche notarius hanc cartam eius iussu scripsi et complevi