Charter Document - 04330050
| Charter Number: | 04330050 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et individue trinitatis Ego Eberhardus sancte Salzburgensis ecclesie gratia dei dictus archiepiscopus universitati fidelium presenti pagina notificare necessarium duxi quod pontificatus nostri anno secundo in capella beate dei genitricis Marie in introitu civitatis nostre loco qui vulgo ad Molendina dicitur altare vel vetustate vel incendio dissipatum destrui precepimus novumque altare cum capella consecravimus Ubi cum dotem nullam invenissemus et sine dote ecclesiam consecrare auctoritas inhiberet amore fratrum nostrorum canonicorum videlicet maioris ecclesie eidem capelle pro dote integrum mansum dedimus in loco Arnsdorf cuius mediam partem pro beneficio mediam pro annuo servicio possederat Leo quidam filius Leonis optans non solum nobis verum etiam anime beate memorie Cuonradi antecessoris nostri tam hec quam et universa pietatis opera que per nos ad laudem nominis sui dominus deus omnipotens ostendere dignatus fuerit ad fructum perpetue mercedis proficere Acta sunt hec anno dominice incarnationis MCXLVIII in kal mai presente universo fere populo civitatis nostre