Charter Document - 04330042
| Charter Number: | 04330042 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1139 |
| Date type: | Internal, Regnal |
| Resource Link(s): |
Monasterium.net |
Charter:
In nomine sancte trinitatis Notum sit omnibus fidelibus Christi tam futuris quam presentibus in perpetuum qualiter ego Cunradus divina annuente clementia Salzburgensis ecclesie archiepiscopus tradidi eiusdem civitatis canonicis communem vitam professis retro civitatem vineam quandam quam de neglecto et penitus inculto loco arbustis erutis primum plantaverant Qui locus terminis evidentibus ostenditur videlicet superius a rupe que Ritinburc appellatur usque ad planiciem deorsum atque inde usque ad vineam fratrum sancti Petri id est monachorum in latere positam Tradidi etiam eisdem fratribus canonicis scilicet silvulam quandam superius Cuchili Torenne dictam quam disterminant ab utroque latere torrentes duo unus eiusdem vocabuli Torenne alter Suarzinbach atque a medio fundo Salze fluminis usque ad cacumen montis concessa videlicet omni utilitate quam de eadem silva consequi possunt excepta piscatione et venatione episcopi Huius rei testes sunt Adalbero castellanus de Weruen et filius eius Turingus Beritholdus frater Nopponis Dietmarus filius Luitholdi de Eicheim Volcholdus filius Volcholdi de Isinchowe Engilbertus Acta sunt hec in castro Werven presente et cooperante venerabili episcopo Gurcensi Romano anno secundo regis Cunradi secundi