Charter Document - 04330039
| Charter Number: | 04330039 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1134 |
| Date type: | Internal, A.D., Calendar, Episcopal, Regnal |
| Resource Link(s): |
Monasterium.net |
Charter:
In nomine sancte et individue trinitatis Notum esse volumus omnibus tam future quam presentis etatis Christi fidelibus quo[modo] Pilgrimus de Wenge homo liber et Wezelo ministerialis comitis Adelberti de Rebegowe pontem Uekkelahe pecunia redemtum ab eodem comite Adelberto et ab omnibus qui aliquid iuris sive potestatis in supradicto ponte habere dicti sunt in honorem salvatoris et sanctissime dei genitricis Marie et beatorum apostolorum Petri et Iacobi sanctorumque Leonardi et Egidii et omnium sanctorum super altare sancti Rvtberti legitima delegatione et potestativa manu tradiderunt presente et conivente venerabili sancte Salzburgensis ecclesie archiepiscopo Cvnrado et tali pacto iam dictam delegationem stabilietne ut ad huius loci prelatos pertineat cum prefati pontis a quolibet impugnatore et contradictore spirituali seu materiali gladio defendendi quin etiam eodem beato archiepiscopo omnes huius rei sanctiones infirmare et convellere perversa malignitate conantes anathematis terrore horribiliter feriente Ceterum ut taliter sanccita delegatio posteritati credenda tenenda et a nullo convellende transmitteretur ex viris illustribus tam ingenuis quam ministerialibus tunc presentibus subnotati et conscripti sunt testes Otto de Burcstal Wisint de Binizgoue Wolfram de Luensteten Heinrich de Sekirchin Heinrich de Hegelin Megengoz de Surebere Liutolt de Haberlant Pilgrim de Surheim Adelpreth de Cezheresperc Wolfram de Offenwac Hernith de Vzelingen Data IIII kal septembris anno dominice incarnationis MCXXXIIII indict XV anno Lottarii regis VIII Cvnradi archiepiscopi XXX