Charter Document - 04330029

In nomine sancte et individue trinitatis Heinricus divina favente clementia rex Omnibus Christi nostrique fidelibus tam futuris quam presentibus notum esse volumus qualiter nos ob interventum ac petitionem dilectissime genitricis nostre Agnetis imperatricis auguste nec non ob fidele servicium Baltwini Salzburgensis archiepiscopi quinque mansos habitatos in marchionis Otacheres marchia Carintina in villa autem Gunprehtesteten sitos si ex integro in eadem mensurari possent sin autem minus in proximis superioribus eiusdem ville partibus iuxta flumen Lonsinice in terra culta expletos cum omnibus pertinentiis suis hoc est utriusquc sexus mancipiis areis edificiis terris cultis et incultis agris pratis pascuis campis silvis venationibus aquis aquarumque decursibus molis molendinis piscationibus exitibus ac reditibus viis et inviis quesitis et inquirendis cum omni utilitate que ullo modo inde provenire potest sancte dei ecclesie ad altare sancti Roperti confessoris in loco Salzburc dicto in proprium dedimus atque tradidimus ea videlicet ratione ut predictus archiepiscopus ceterique sui successores de prefato predio liberam dehinc potestatem habeant tenendi commutandi precariandi vel quicquid sibi pro utilitate sue ecclesie placuerit inde faciendi Et ut hec nostra regalis traditio stabilis et inconvulsa omni permaneat evo hanc cartam inde conscribi manuque propria ut subtus cernitur corroborantes sigilli nostri impressione iussimus insigniri Signum domni Heinrici quarti regis S Gebehardus cancellarius vice Liutpaldi archicancellarii recognovi Data est kal iunii anno dominice incarnationis MLVIIII indictione [XII] anno autem ordinationis domni Heinrici quarti regis V regni vero III actum Goslare in dei nomine feliciter amen