Charter Document - 04330028
| Charter Number: | 04330028 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1056 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clemencia Romanorum imperator augustus Quecumque ad sacra loca digna religione necnon benigna devotione per nostram imperialem munificentiam offerimus pro his certam retributionem in vita perpetua nobis affuturam sperare debemus Quapropter notum esse volumus omnibus sancte dei ecclesie nostrisque fidelibus tam futuris quam presentibus qualiter pro remedio anime nostre et ob interventum dilectissime coniugis nostre imperatricis Agnetis necnon petitionem filii nostri karissimi Heinrici quarti regis quoddam predium nomino Naunzel quod Durdogouuo Ozino comiti dederat et quod Otto filius eiusdem Ozini nobis per cartulam tradiderat in pago Foro Iulio et in comitatu Lvdowici comitis situm sancte Salzbvrgensi ecclesie concedimus donamus et confirmamus ea videlicet racione ut nullus archiepiscopus episcopus dux marchio comes vicecomes nec aliqua magna vel parva nostri regni persona predictam ecclesiam aliqua iniusta occasione de prenominato predio molestare disvustire vel aliquo modo sine legali iudicio inquietare presumat Quicumque vero hanc imperialem nostram traditionem quod non credimus violare presumpserit centum libras auri optimi componat medietatem kamere nostre imperiali et medietatem qui eo tempore in prenominata ecclcsia episcopus est Et ut huius nostre traditionis auctoritas stabilis permaneat hanc cartam inde conscriptam manu propria supter corroborantes sigilli nostri impressione iussimus insigniri Signum domni Heinrici tercii regis invictissimi seecndi Romanorum imperatoris augusti SMP Guntherius cancellarius vice Annonis archicancellarii recognovit Data IIII non iulii anno dominice incarnationis MLVI indict VIIII anno autem domni Heinrici tercii regis imperatoris autem secundi ordinationis eius XXVIII regni quidem XVIII imperii vero X actum Wormacie in dei nomine feliciter amen