Charter Document - 04330027
| Charter Number: | 04330027 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1056 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia Romanorum imperator augustus Notum esse volumus omnibus Christi nostrique fidelibus tam futuris quam presentibus qualiter nos propter dei amorem et eternam remunerationem et per interventum contectalis nostre scilicet Agnetis imperatricis auguste nostrique filii dilectissimi Heinrici quarti regis sancte Salzburgensi ecclesie tres regales mansos in loco Gumbrahtdessteiden sitos cum omnibus suis pertinentiis hoc est areis edifitiis terris cultis et incultis agris pratis pascuis campis silvis venationibus aquis aquarumque decursibus molis molendinis piscationibus exitibus et reditibus viis et inviis quesitis et inquirendis ac cum omni utilitate que ullo modo inde provenire potest in proprium dedimus atque tradidimus ea videlicet ratione ut venerabilis archiepiscopus Baldinc nominatus cuius peticione hec traditio facta est cunctique sui successores de eodem predio liberam dehinc potestatem habeant tenendi dandi commutandi precariandi vel quicquid illis placuerit in usum ecclesie inde faciendi Et ut hec nostra imperialis traditio stabilis et inconvulsa omni permaneat evo hanc cartam inde conscribi manu propria ub subtus videtur corroborantes ac sigilli nostri impressione iussimus insigniri Signum domni Heinrici tercii regis invictissimi secundi Romanorum imperatoris augusti SMP Uuinitherius cancellarius vice Liutboldi archicancellarii et archiepiscopi recognovi Data V nonas iulii anno dominice incarnationis MLVI indict VIIII anno autem domni Heinrici tercii regis secundi imperatoris ordinationis XXVIII regni vero XVIII imperii X actum in dei nomine Vvormatie feliciter amen