Charter Document - 04330025

In nomine sancte et individue trinitatis Heinricus divina favente clementia Romanorum imperator augustus Si ecclesiasticas res ex nostre liberalitatis beneficio augmentaverimus id nobis ad presentis vite salutem et ad eternam beatitudinem prodesse firmiter credimus Unde vero cunctis Christi nostrique fidelibus tam futuris quam presentibus notum esse volumus qualiter nos ob nostram nostrique thori ac regni consortis scilicet Agnetis imperatricis auguste felicitatem [nec] non ob devotum servicium nostri fidelis et [dilecti Baldeuuini Sa]lzpurgensis eccl[esie archiepiscopi quosdam regales] mansos in Enseuualda in comitatu Adelberti marchionis sitos curti eiusdem archiepiscopi Aspah dicte conterminales ad eandem ecclesiam Salzpurch in honore et nomine sancti Petri principis apostolorum et sancti Ruodberti confessoris eiusdem ecclesie patroni cum omnibus suis pertinentiis in proprium tradidimus scilicet areis edificiis agris vineis pratis pascuis terris cultis et incultis silvis venationibus piscationibus aquis aquarumve decursibus molis molendinis exitibus et reditibus viis et inviis quesitis et inquirendis cum omni iure ac utilitate que ullomodo inde poterit provenire ea videlicet lege ac condictione ut prefatus Baldeuuinus archiepiscopus suique successores liberam deinceps habeant potestatem obtinendi tradendi commutandi precariandi vel quicquid illos collibuerit de eisdem bonis faciendi Et ut hec nostra imperialis traditio stabilis [et inconvul]sa omni evo permaneat hanc paginam inde conscriptam manu propria corroborantes sigilli nostri impressione iussimus insigniri Signum domni Heinrici tercii regis invictissimi secundi Romanorum imperatoris augusti [] Uuinitherius cancellarius vice Bardonis archicancellarii recognovi Data id febr anno dominice incarnationis mill XLVIIII indict II a[nno autem domni] Heinrici [tercii regis regnantis quidem VIIII] imperii III actum Radisbone feliciter amen