Charter Document - 04330024

In nomine sancte et individue trinitatis Heinricus divina favente clementia rex Omnium dei nostrique fidelium tam futurorum quam et presentium sollers industria noverit qualiter nos ob interventum et peticionem Agnetis regine nostre contectalis dilecte necnon ob amorem et fidele obsequium Balvvini venerabilis archiepiscopi Salzpvrgensis sedis tale predium quale visi sumus Livtoldasdorf habere in comitatu Gotefridi marchionis et foresto Svsel iuxta litus Losnice [flumi]nis situm prenominate sedi et ecclesie videlicet in honore sancti Petri piique Rovdberti constructe atque Baldvvino eiusdem ecclesia[e archipre]suli regia nostra benivolentia et auctoritate de nostro [iure] et dominio in eius ius et dominium liberaliter tranfudimus cum omnibus suis app[enditiis cum ar]eis edificiis terris cultis et incultis pratis [pascuis] agris campis aquis aquarumque decursibus molis molendinis piscationibus s[ilvis venationibus exitibus et redi]tibus viis et inviis quesitis et inquirendis cum onmi utilitate que ullo modo inde poterit provenire ea videlicet ratio[ne ut predic]tus archiepiscopus et omnes successores eius de prefato predio in eorum dominium de nostro manu transfuso liberam dehinc potestatem habeant obtin[endi venden]di commutandi precariandi vel quicquid sibi placuerit inde faciendi Et ut hec regalis nostre traditionis auctoritas stabil[is et inc]onvulsa per succedentium momenta temporum maneat hanc cartam inde conscriptam manu propria ut infra poterit videri corroborantes sigilli nostri impressione iussimus insigniri Signum domni Heinrici tercii regis invictissimi SMP Theodericus cancellarius vice Bardonis archicancellari recognovi Data VII idus decembris anno dominice incarnationis MXLV indict XIIII anno autem domni Heinrici tercii ordina[tionis eius XVI a]ctum Fritislare feliciter amen