Charter Document - 04330022
| Charter Number: | 04330022 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1025 |
| Date type: | Internal, Regnal |
| Resource Link(s): |
Monasterium.net |
Charter:
Precaria sive complatitatio domne Chvnigvn [de] imperatricis auguste atque venerabil[is Gv]ntherii Zalzpurgensis ecclesie [archiepiscopi] Anno dominice incarnationis millesimo vigesimo quinto summe [divinit]atis miseratione provisum est ut pia deoque amabilis domina Chunigunda imperatrix [augusta ob amorem] celestis desiderii ac ob recordationem dive memorie Heinrici imperatoris augusti scilicet senioris sui necnon ob quoddam vite temporalis emolumentum cum consilio gloriosi Baioariorum ducis Heinrici scilicet fratris sui cunctorumque procer[um et o]ptim[atum Baioa]rice gentis ac iudicum quasdam res sui iuris traderet in manus venerandi Guntherii Zalzpurgensis ecclesise archiepiscopi et advocati sui Waltherii sic nominatas id est cortem Otingun et Burchusun et IIII forestes quorum nomina hec sunt Otingarahar[t] tercius Genhaan Hesilinstudun cum omnibus etiam ad eandem curtem Otingun pertinentibus utilitatibus scilicet cum terris cultis et incultis mancipiis utriusque sexus exceptis tantum illis mancipiis que Adelhardus eiusdem curtis prepositus in beneficio habu[it] quoque atque cum decimis vineis molendinis silvis pascuis venationibus aquis aquarumve decursibus necnon cum omnibus utensilibus que vel dici vel nominari possunt exceptis tantum XL mansis non illa parte Hin fluminis ubi supradicta cur[tis Otingun] iacet sitis sed in altera parte eiusdem fluminis Econtra vero prelibatus archiepiscopus cum consilio atque consensu suorum fidelium tam clericorum quam laicorum maximeque pii ducis Heinrici suorumque optimatum retradidit deo devote imperat[rici Chuni]gunde auguste precaria ut supradictum est lege cum manu advocati sui Waltherii V curtes sic nominatas Houua Garaza Asgouua Stadalara Amphinga necnon L hobas cum mancipiis ad easdem cur[tes pertinentibus] Huiusmodi traditionis atque retraditionis testes adtracti sunt comes Sizo iterumque Sizo Tiemo Gerolt comites Ruodolf Engiluuan Meginhart Dietmar Penno Eberaro [] Odelscalch Eberbart Aribo Gozpreth Eberaro Actum Ratespone anno primo d[omni] Chunradi regis invictissimi