Charter Document - 04330015

In nomine sancte et individue trinitatis Otto divina annuente clementia rex Nos itaque de statu regni nostri regali more ut iustitie solidamentum augeretur tractantes loca sancta nostris etiam privilegiis corroborari decrevimus Quapropter noverit omnium fidelium presentium scilicet et futurorum industria quod venerabilis Iuuauensis ecclesie archiepiscopus Heroldus nostram adiit regalitatem postulans ut nostre auctoritatis precepto confirmaremus quedam loca his denotata nominibus Uuiniheringa Antesena Volinpah cum adiacentiis omnibus et appenditiis hoc est cum barscalkis et aliis serviis mansis etiam silvis pratis pascuis aquis aquarumque decursibus ac molendinis quesitis et inquirendis sibi etiam a religioso papa Romane sedis Agapito proprialiter tradita in hec scilicet verba ut singulis quibusque in annis tres libras argenti ad altare sancti Petri apostolorum principis Rome principaliter constructum detulisset aut transmisisset et si hoc forte per neglegentiam quadam instante necessitate aliquo in anno subderetur in sequenti impleretur si vero in tertio aut in quarto anno subtractum fuisset ad prioris dominii statum iam dicta reverterentur loca Nos autem eius assecuti petitionem hoc presens iussimus conscribi preceptum manu nostra firmatum et anuli nostri impressione munitum ne quis succedentium regum vel comitum ullam haberet potestatem suprascriptis in prediis sibi habendi vel in benefitium dandi sed sub venerabilis archiepiscopi iam dicti eiusque successorum potestate iuxta id quod supra scriptum est perpetualiter permaneret Signum domni Ottonis invictissimi regis Liutulfus cancellarius ad vicem antedicti episcopi recognovit Data iii kal decembr anno incarnationis domini DCCCCLIII indict VII regnante pio rege Ottone anno XVIII actum Ufhusa in dei nomine feliciter amen