Charter Document - 04330014
| Charter Number: | 04330014 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0945 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Otto divina propiciante clementia rex Noverit omnium fidelium nostrorum tam presentium quam etiam futurorum persona qualiter per interventum venerabilis et dilecti ducis nostri Pertholdi quasdam res proprietatis nostre in Carantana regione sitas sub regimine Uuerianti pro remedio anime nostre ad domum dei que est constructa in honore beate et sancte dei genitricis Marie ubi Gotebertus chorepiscopus preesse dinoscitur in loco Budistdorf nominato id est hobam unam dominicalem prope et oportune domui dei adiacentem cum mancipiis in eadem hoba tunc inibi manentibus nomine Budist Namdrag Zuuevuel Butigoi Dobronega item Dobronega Gneouuas et cum aliis mancipiis que de nostro fiscali curte in potestatem ipsius domus dei coniugata fuerunt nomine Zemibond Zcorazt curtilibus locis edificiis agris pratis pascuis arbustis viis et inviis quesitis et inquirendis et cum omni integritate ad eandem hobam iure pertinentibus in proprietatem perpetuam tradidimus et confirmavimus Et ut hoc preceptum fidelibus nostris verius adcredatur manu nostra subter eam confimavimus anulique nostri inpressione sigillari iussimus Signum domni Ottonis invictissimi regis Brun cancellarius ad vicem Herolti archicappellani recognovi Data II non iunii anno dominice incarnationis DCCCCXLV indictione III regnante Ottone piissimo rege anno VIIII actum Talehum in domino amen