Charter Document - 04330011

In nomine sancte et individue trinitatis Arnolfus divina favente clementia rex Si erga loca divino cultui mancipata curam gerimus eaque ex temporali profectus nostri commodo superni muneris largitate nobis collato accumulamus non solum predecessorum nostrorum scilicet regum morem decenter implemus verum etiam regni nostri statum deifice roborandum perennique gaudio a deo salvatore exinde nos remunerandos esse oppido credimus Quam ob rem cunctorum Christicolarum presentium videlicet patescat ac futororum agnitioni quoniam nos pro mercedis eterne emolumento Diotmaro reverentissimo sancte Iuuauensis ecclesie metropolitano et archicappellano nostro supplicante quasdam res proprietatis nostre ad iam dictam principalem diocesis sue sedem ubi sanctus electus dei confessor Hrodbertus corporaliter requiescit perpetuo consistendas tradidimus id est curtem Ardienga nuncupatam in ripa fluvioli qui vulgo Semita vocatur consistentem cum iure legum sicut mater nostra bone memorie Liutsuuind ex parte nostra prasenti tempore in beneficium habere visa est totum cum appenditiis suis videlicet curtilibus et edificiis familiis mancipiis utriusque sexus agricolis vinitoribus campis ecclesiis decimis censibus vineis agris pratis pascuis silvis silvarumque usibus pastibus scilicet et eficiorum lignis in forestibus nostris Helfindorf et Suindaha aquis aquarumque decursibus molinis piscationibus viis et inviis exitibus et reditibus terris cultis et incultis quesitis et inquisitis mobilibus et immobilibus et omnibus iuste legitimumque ad prelibata loca aspicientibus Hec itaque universa ad supradictum sacrosanctum locum per hoc presens auctoritatis nostre preceptum pleniter in dei nomine roboratum tam pro nostra quam [etia]m pro dive memorie antecessorum nostrorum christianissimorum regum comme[m]oratione in usus fratrum domino ibidem famulantium regali potentia tradidimus atque contulimus eo videlicet rationis tenore ut pretitulatus religiose vite presul successoresque illius de his omnibus firmissimam perpetuis temporibus habeant potestatem sicut de ceteris episcopii sui rebus prout eius placuerit universa disponere sine ullius successoris nostri impedimento Et ut hec auctorita largitionis nostre inviolabilem per omnia volventis mundi curricula obtineat stabilitatem manu nostra subtus eam roborantes anulo nostro iussimus insigniri Signum domni Arnolfi serenissimi regis Engilpero notarius ad vicem Deotmari archicappellani recognovi et Data VII idus mart anno dominice incarnationis DCCCXCI indictionem autem VIII anno Christo propitio regni domni Arnolfi regis I actum Reganespurc in dei nomine feliciter amen