Charter Document - 04330009

In nomine sancte et individue trinitatis Arnolfus divina favente gratia rex Notum sit [omnibus sancte] dei ecclesie fidelibus nostrisque presentibus scilicet et futuris qualiter noster quidam mininisterialis nomine Heimo serenitatis nostre magnitudinem deprecatus est ut in orientalibus partibus in pago Grunzuuiti dicto ubi Arbo terminialis comes preesse visus est super proprietatem suam legalem sibi rectitudines potestatem in proprietatem con cessissemus At nos petitionibus eius libenter annuentes memores crebri devotique eius obsequii decrevimus ita fieri Dedimus quidam ei cum consensu prefati comitis eiusdem hereditatis sue rectitudinem perpetuo iure in proprietatem et iussimus hos celsitudinis nostre apices inde fieri per quos sancimus firmissimeque iubemus ut nec prenominatus comes nec ullus iudex publicus vel ulla ex iudiciaria potestate persona ausu temerario contra hanc nostre institutionis auctoritatem in easdem proprii sui iuris causas aut homines eius tam ingenuos quam servos ibidem habitantes distringendos vel ullas inlicitas occasiones seu ullius pressure calamitatem ingerre vel exactare presumat sed liceat illi successoribusque suis eandem rectitudinem secure atque tranquille habere ac possidere in evo eo videlicet rationis tenore ut homines eius inde cum terminali comite ubi ipse elegerit urbem edificent et si quando necesse eveniat ad semetipsos defendendos cum rebus suis illuc confugium faciant custodias cum ceteris more solito ad communem sue salvationis vel circumspectionis contra inimicorum insidias tutelam vig[il]anter exhibentes Ad publicum iam fati comitis mallum scilicet idem Heimo seu vicarius eius legem ac iustitiam exigendam vel perpetrandam pergat etsi forsan de Marauorum regno aliquis causa iustitie supervenerit si tale quidlibet est quod ipse Heimo vel advocatus eius corrigere quiverit iudicio eiusdem comitis potenter finiatur Insuper etiam statuimus ipsique Heimoni prestitimus ut universa debita legalia de gente inibi in proprio suo residente terciaque pars bannorum sub eodem hereditarii iuris tenore sibi in proprium ex integro persolvantur qui dicuntur civiles banni ceteraque debita cuncta ad integrum sine alicuius partitione de eodem populo eternaliter illum successoresque eius pertineant Et ut hec concessionis nostre auctori[t]as inviolabilem in dei nomine per omnia volventis mundi curricula obtineat stabilitatem et a fidelibus nostris omnibus verius credatur ac diligentius observetur manu propria subter illam roborantes anuli nostri imp[re]ssione iussimus insigniri Signum Arnolfi serenissimi regis Aspertus cancellarius ad vicem Theotmari archicapellani recognovi et Data i[] anno dominice incarnationis [] indict [ann]o autem I regni domni Arnolfi regis [] actum Franconofurt in dei nomine [feliciter amen]