Charter Document - 04330007

In nomine sancte et individue trinitatis Arnulfus divina favente gratia rex Notum esse volumus omnibus sancte dei ecclesie fidelibus nostrisque presentibus scilicet et futuris qualiter nos ob nostre mercedis augmmento necnon et interventu cuiusdam fidelis abbatis nostri videlicet Chuonradi cuidam presbitero nostro nomine Adalolt quasdem res proprietatis nostre in proprietatem concessimus hoc est in valle que dicitur Laventatal Concessimus ei cappellas duas cum decima de curtibus et plebe ut ipse iam dictus Adalolt eatenus in benefitium habuit cum domibus mancipiis terris agris cultis et incultis campis pratis pascuis vineis sylvis viis et inviis aquis aquarumve decursibus quesitis et inquisitis exitibus et regressibus mobilibus et inmobilibus [mo]lendinis et adiacentiis totum et integrum quid ad predictas cappellas iuste et legitime pertinere videtur ex iure et dominatione [no]stra prefato presbitero in ius et dominationem tradimus atque transf[undimus] ea videlicet ratione ut ab hodierna die ac deinceps de suprataxat[is reb]us licentiam ex auctoritate donationis nostre habeat facere quicquid sibimet placuerit omnibus diebus vite sue et post illius obitum predictas res tradere pro remedio anime nostre et ipsius memoria ad quamcumque ecclesiam sibi placuerit ex nostra auctoritat licentiam habeat sine ulla alicuius inquietudine Et ut hec donationis nostre auctoritas firmior habeatur et per futura tempora verius credatur ac diligentius observetur manu propria subtus eam firmavimus et anuli nostri impressione assginari iussimus Signum domni Arnulfi invictissimi regis Aspertus cancellarius ad vicem Theotmari archicappellani recognovi et [] Data XII kal marti anno dominice incarnationis DCCCLXXXVIII indictione VI anno vero Christo propitio regni domni Arnulfi primo actum ad Otingun curte dominicali in dei nomine feliciter amen