Charter Document - 04330005
| Charter Number: | 04330005 |
|---|---|
| Cartulary Title: | Geschichte des Salzburger Domkapitels 831 - 1300 |
| Charter Language: | Latin |
| Charter Origin: | Royal |
| Charter Type(s): | Exchange |
| Date: | 0881 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et individue trinitatis Hludouuicus divina favente gratia rex Si locis deo dicatis nostre regie potestatis commoditatem impertimur hoc nobis ad eterne beatitudinis premia capessenda profuturum liquido credimus Quapropter noverit omnium fidelium nostrorum tam presentium quam et futurorum industria qualiter quidam vir venerabilis Salzburgensis civitatis archiepiscopus nomine Thietmarus nobis concessit ex rebus sancti Ruotberti quicquid in loco nominato Muotilesstat habere visus fuit cum domibus edificiis mancipiis campis agris pratis pascuis silvis cultis et incultis aquis aquarumque decursibus viis et inviis accessibus et adiacentiis finibus exitibus et regressibus et omnibus legitimis appenditiis Econtra concedimus prenominato archiepiscopo ad prefatum locum sacrum quicquid Uodilhelmus fidelis noster in Garazze habere visus fuit et quicquid ad hoc iure ac legitime pertinere videtur cum domibus edificiis campis agris pratis pascuis silvis cultis et incultis aquis aquarumque decursibus accessibus et adiacentiis finibus exitibus et regressibus et omnibus adiacentiis legitimis eo scilicet rationis tenore ut prefatus Uodilhelmus prescriptas res in Garazze diebus vite sue habeat post discessum veroeius cum omni integritate deinceps omni tempore consistant absque ullius contradicentis obstaculo Et ut hec nostre concessionis auctoritas firmior habeatur et per futura tempora a fidelibus nostris melius credatur et dilligentius observetur manu propria nostra subter eam firmavimus et anuli nostri impressione eam assignari iussimus Signum Hludouuici serenissimi regis Arnolfus cancellarius ad vicem Liutberti archicapellani recognovi et Data II idus octobris anno dominice incarnationis DCCCLXXXI indict XV anno VI regni Hludouuici serenissimi regis actum Reganesburg in dei feliciter amen