Charter Document - 04320043
| Charter Number: | 04320043 |
|---|---|
| Cartulary Title: | St. Bernhard, Zisterzienserinnen 1263 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1298 |
| Date type: | Internal, A.D., Feast |
| Resource Link(s): |
Monasterium.net |
Charter:
Ne gestarum rerum seriem quorumlibet posterorum calumpnia deprauari contingat necesse est eam certo litterarum testimonio communitam transmitti noticie futurorum Igitur ego Osanna relicta quondam Vlrici de Tumbratz scire volo per tenorem presencium tam posteros quam presentes quod ego cum pleno consensu omnium liberorum meorum inferius nominetenus expressorum venerabili conventui sanctimonialium in sancto bernhardo vendidi dimidium beneficium iuste ac libere hereditatis mee in Zeldrendorf annuatim soluens XV metretas tritici et XII metretas auene post messem ac Lx den seu dimidium porcum in epyphania pro iiij taln den quos me ad plenum profiteor percepisse et hoc dimidium beneficium tam ego Osanna quam omnes liberi mei videlicet Hainricus Ortwinus Vlricus Osanna Elizabet cum omni iure nostro in manus fratris Ottonis procuratoris predictarum sanctimonialium fideliter resignamus promittentes ipsum secundum ius terre consuetum ad annos debitos ab omnium impedicionis inquietudinem liberum et facere quietum In huius rei certitudinem predicto Conventui hanc literam tam mariti mei quam predicti filii mei hainrici sigillis signatam assigno Huius rei testes sunt Otto et leo fratres dicti de Wert milites Hainricus dapifer et Leo filius suus et Wernhardus patruus suus Ortolfus grillo Kalochus hechel et alii quam plures viri fide digni Actum et datum in Chrems anno domini MCCXCVIIJ in die sancti Georij martiris