Charter Document - 04320030
| Charter Number: | 04320030 |
|---|---|
| Cartulary Title: | St. Bernhard, Zisterzienserinnen 1263 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1292 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nouerint vniuersi tam posteri quam presentes quod ego Sophya relicta quondam Popponis militis de Eyzenstal cum consensu ac voluntate beniuola Wichardi filii mei omniumque heredum meorum vendidi redditus duorum talentorum ac xxiiij denariorum in Grauenperg sitos domui ac conuentui sanctimonialium in sancto Bernhardo Ordinis cysterciensis nomine ac tytulo iuste hereditatis sicut eos hactenus possedi libere imperpetuum possidendos pro xxiiij talentis et dimidio wiennensium denariorum quos eciam michi iam integraliter profiteor persolutos Que bona redditus videlicet supra dictos ego vna cum predicto filio meo Wichardo in manus domini Stephani de Meyssowe marshalci austrie fundatoris monasterii nominati vicem ipsarum dominarum in suscipiendis eisdem gerentis omnimodis resignaui obligans ipsi domui sanctimonialium supradicte pro assecuracione possessionis quiete in perpetuum bona equivalencia sita in villa in qua resideo in pevgen scilicet quorum inferius nomina exprimuntur Vlricus soluit de beneficio v sol minus viij denariis Chvnradus tenk de beneficio dimidium talentum heinricus Obzer de duabus areis quintum dimidium sol de area antiqui kegelarii lxxij den de area antiqui bawari xv den Otto de Chrueg dictus in empach sive in Riuulo x den Igitur si redditus primodictos aliquis contra domum et conuentum sancti Bernhardi in posterum iure euicerit aut a possessione eorundem ailenaverit iuris ordine ex tunc ipse conventus hec bona secundo descripta ut indempnis omnino maneat loco venditorum reddituum obtinebit Et ut hec vendicio atqe obligacio nullam imposterum calumpniam paciatur a quoquam has patentes ego Sophia et Wichardus filius meus predicti conferimus domine Offemie abbatisse ac conuentui supradicto in testimonium sigillo domini Stephani de Meissow predicti cum sigillum non habeamus proprium sigillatas Testes huius rei sunt ipse dominus Stephanus de Meissow item Heinricus de Pach miles Wipoto de Pevgen Wichhardus senior de Pevgen Heinricus de Wiltperg hii clientes Item Albero Raussher Chvnradus Steinhauser Syfridus et alii quam plures Actum et datum in Chrueg per manus fratris Alberti procuratoris dominarum administratum anno domini MCCLXXXXIJ IX kal Maij