Charter Document - 04320029

In nomine sancte et individue Trinitatis Amen Nos frater Chunradus miseracione divina abbas Ecclesie Jerocensis Et frater Vlricus Prepositus in Pernekke Nec non Soror Gedrudis Magistra et soror agnes priorissa Totusque conventus dicti Cenobii cupientes ut firmitatem et robur perenniter valiturum optineant que racionabiliter facimus et mature attestacione presencium profitemur pro rei memoria sempiterna quod cum propter nimiam sterilitatem anni presentis de fructibus et proventibus monasterii nostri non possemus quomodo libet victi tare vrgente necessitate videlieet alimentorum defectu cogente cum non haberemus vendere bona mobilia post habitas deliberaciones sollempnes que in vendicionibus rerum ad monasteria pertinencium requiruntur dedimus et vendidimus duos laneos et dimidium quod habebamus in inferiori Nelib cum suis pertinenciis universis qui nobis annis singulis duo talenta et dimidium et XL denarios pro statuto censu solvebant vendidimus inquam strennuo militi domino Vlrico de Gruenpach pro viginti quinque talentis et dimidio que eciam nos ab ipso ad plenum recepisse clamamus sub hac forma ut ipsos redditos eo iure quo nos et prefatum cenobium nostrum respiciebant ipse suique heredes utriusque sexus libere debeant perpetuo possidere promittentes pro nobis et nostris successoribus vice et nomine monasterii nostri predicto emptori et suis heredibus stipulanti litem et controversiam ei vel suis heredibus de dicta re vel parte ipsius ullo tempore non inferre nec inferenti consentire sed ipsam rem tam in proprietate quam in possessione ei et suis heredibus ab omni homine et universitate legitime defendere auctorizare et disbrigare et predictam vendicionem ac omnia et singula supra scripta perpetuo firma et rata habere et tenere et non contrafacere vel venire per nos vel per alium aliqua causa vel ingenio de iure vel de facto sub pena dupli estimacionis dicte rei habita racione melioracionis que pro tempore fuerit stipulacione premissa qua soluta vel non rata maneant omnia et singula supra scripta Item reficere et restituere sibi et suis heredibus omnia et singula dampna et expensas ac interesse litis et extra pro quibus omnibus et singulis firmiter observandis obligamus omnia bona nostra tam habita quam habenda In cuius rei testimonium presentes sigillis nostris fecimus conmuniri testibus qui huic ordinacioni vocati et rogati intererant subnotatis qui sunt frater Henricus prior frater Arnoldus frater Perhtramus Sacerdotes frater Otto laycus provisor eiusdem domus Dominus Albero plebanus in Neliub Dominus Arnoldus plebanus in Teracz Dominus Leo plebanus in Pulka Dominus Jordanis plebanus in Recze Cunradus de Purchdorf Ortliebus de Sterein Wintherus de vriuntsperch Berhtoldus de Linthenprunne Otto de Syczendorf Chunradus de Grabaren frater eiusdem Levvtwinus dictus Grille Gotfridus dictus de Toczenpach milites Leo de pareinstorf Vlricus Chunradus Otto fratres filii Domini Chunradi de Purchtorf Albero de Syczendorf Bertholdus de Meilemspach Lewtwinus de vreutsperch Leo frater eiusdem Vlricus de Grassawe Albero de Speisendorf Berhtoldus dictus Suppan Ortolfus frater eiusdem Clientes et alii quam plures fide digni Actum et datum anno domini MCCLXXX[X] XII Kaln Januarii VIIII Indict