Charter Document - 04320025
| Charter Number: | 04320025 |
|---|---|
| Cartulary Title: | St. Bernhard, Zisterzienserinnen 1263 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, A.D., Calendar |
| Resource Link(s): |
Monasterium.net |
Charter:
Wernhardus dei gracia Ecclesie pataviensis episcopus omnibus presentes litteras inspecturis salutem in domino sempiternam Cum a nobis petitur quod iustum est tam vigor equitatis quam ordo exigit racionis ut id per nostre sollicitudinis studium ad debitum perducatur effectum Sane quia magnificus princeps dominus Albertus dux Austrie ius patronatus ecclesie parrochialis in Newnchirihen in districtu in Pewreich quod ab ecclesia nostra in feudum optinet cum viro strenuo Stephano de meyssow pro iure patronatus ecclesie parrochialis in Slewncz quod ad eundem Stephanum pertinet permutavit ita quod idem Dominus Dux ius patronatus eiusdem ecclesie de Slewncz ab ecclesia nostra debeat in fevdum optinere Nos attendentes per mutacionem huiusmodi utrique ecclesie expedire eam auctoritate ordinaria in nomine domini confirmamus In cuius rei testimonium presentes litteras fieri iussimus nostro sigillo munitas Datum Wienne Anno Domini Millesimo Ducentesimo Nonagesimo VI Nonas Octobris