Charter Document - 04320024
| Charter Number: | 04320024 |
|---|---|
| Cartulary Title: | St. Bernhard, Zisterzienserinnen 1263 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, A.D. |
| Resource Link(s): |
Monasterium.net |
Charter:
Nos Walchunus dei gracia abbas in Altenburch notum facimus vniuersis tam presentibus quam futuris hanc literam inspecturis quod eum dominus Wolframus plebanus de Stregen capellanus noster nomine ecclesie sue que nos ivre respicit patronatus proprietates quasdam sue ecclesie contiguas pro tredecim talentis denariorum Wiennensium aput fridricum Wulpem de Ekkenstain comparasset nec eandem habuisset persolvere peccunie quantitatem memoratus dominus plebanus nostram accedens presenciam proposuit quod pro resolutione dictarum possessionum ecclesie sue magis utilium venerabilibus sanctimonialibus ad sanctum Bernhardum in Chrueg aream unam ibidem sitam solventem XL denarios cum exeniis suis pro tribus talentis et LX denariis vendidisset et super eo favorem nostrum peciit se habere Nos vero pensata utilitate fructifera ecclesie nostre in Stregen prelibate de consensu benivolo capituli nostri et amicorum nostrorum ac proborum virorum consilio fideli ad hoc factum nostram dedimus voluntatem Ne autem aliquis successorum nostrorum hanc empcionem sive vendicionem rite factam inposterum valeat irritare presentes literas inde conscriptas iam predictis dominabus ad sanctum Bernhardum in Chrueg tradidimus in evidens testimonium et cautellam sigilli nostri munimine roboratas Huius rei testes sunt dominus Chunradus de Stenich dominus Nycolaus custos Sifridus scolasticus Andreas celerarius fratres in Altenburch Dominus Paulus plebanus in Roerenpach Dominus Haeinricus de Pach heinricus Wiltperger heinricus Dachpeck Gotschalchus de fronhoven Vlricus et Otto fratres de Grueb Hartlibus de Rosenberch Fridricus Wulpis Albertus Rovsscher Dietmarus Vlricus famuli domus nostre et alii quam plures laici fide digni Datum et actum in Altenburch anno domini MCCLXXXX In die sancti Blasii martiris et Episcopi